გია ჟორჟოლიანი - მოვუწოდებ ყველა სახელმწიფო მოხელეს, ეფექტურად იმოქმედონ, რათა დროულად მოხდეს მოქალაქეთა ინტერესების დაკმაყოფილება

დღეს, შეზღუდვების ეტაპობრივად შერბილების პირობებში კიდევ უფრო აქტუალური ხდება სახელმწიფოს პასუხისმგებლობა მოქალაქეთა მიმართ, რათა დროულად მოხდეს რეაგირება მათ მიმართვებზე, რომლებიც სხვადასხვა ეკონომიკური საქმიანობის განახლების ნებართვას ელოდებიან,- ამის შესახებ „სოციალ-დემოკრატების“ ლიდერმა გია ჟორჟოლიანმა განაცხადა. მისი თქმით, აუცილებელია, მოქალაქეები დროულად და მკაფიოდ იყვნენ ინფორმირებულნი, თუ რა მოთხოვნების დაკმაყოფილებაა მათგან საჭირო, რათა განაახლონ სხვადასხვა ეკონომიკური საქმიანობა.

„არსებულ მძიმე პირობებში, ყოველი უპასუხოდ დარჩენილი მიმართვა ადამიანთა უმრავლესობისთვის ნიშნავს არა მხოლოდ შემოსავლების შემცირებას, არამედ საარსებო წყაროს გარეშე დარჩენას. პირადად მე, როგორც დეპუტატს, არაერთმა მოქალაქემ მომმართა, რომლებმაც ვერ მიიღეს პასუხი სახელმწიფო უწყებებისგან. ეს ეჭვის ქვეშ აყენებს სახელმწიფოს შესაძლებლობას შეასრულოს ის პასუხისმგებლობა, რომელიც მას დაეკისრა. სახელმწიფომ თუ არ შეასრულა ეს პასუხისმგებლობები, ის დაკარგავს ლეგიტიმაციას დააწესოს და აღასრულოს სხვადასხვა აკრძალვები და შეზღუდვები, რომლებიც გამიზნულია ეპიდომოლოგიური მდგომარეობის სამართავად. ეს სამართლიანად გამოიწვევს მოქალაქეების უკმაყოფილების კიდევ უფრო მეტად ზრდას. ჩვენ არ გვჭირდება სახელმწიფო, რომელიც მხოლოდ აკრძალვებს აწესებს. ჩვენ გვჭირდება მზრუნველი სახელმწიფო. მე, როგორც დეპუტატმა, საგანგებო მდგომარეობისთვის მხარდაჭერის გამოცხადებისას ავიღე პასუხისმგელობა და მოვახდინე ჩემი უფლებამოსილებების დელეგირება მთავრობაზე, რათა მთავრობის მოქმედებები უფრო ეფექტური და სწრაფი ყოფილიყო. ამავდროულად, მე არ მომიხსნია პასუხისმგებლობა საქართველოს მოქალაქეთა წარმომადგენლობითი უფლებამოსილების განხორციელებაზე. მოვუწოდებ, ყველა სახელმწიფო მოხელეს, იმოქმედონ მაქსიმალურად ეფექტურად და პასუხისმგებლიანად, რათა დროულად მოხდეს მოქალაქეთა ინტერესების დაკმაყოფილება და მათზე ზრუნვა“,- აცხადებს ჟორჟოლიანი.

თეა გოგოტიშვილი - სიფრთხილის და გონივრულობის გარდა გადარჩენის გზა არ გვაქვს
ქართული პრესის მიმოხილვა 30.11.2020
დავით მირცხულავა - ბეტონის გრავიტაციული კაშხლის სეისმური ზემოქმედების გამო დანგრევის პრეცედენტი მსოფლიოში არ ყოფილა, კვლევებიდან გამომდინარე, „ნამახვანი“ მაღალსაიმედოა
ვის ჩაუტარდება კლინიკა „ნიუმედში“ Covid 19-ის სწრაფი ტესტირება, მათ შორის ანტიგენზე დაფუძნებული ტესტით და D-დიმერის კვლევა უფასოდ? - ინტერვიუ კლინიკის დირექტორ ნათია ბულაცაშვილთან
ლივომ უძრავი ქონების ყიდვა-გაყიდვის პროცესის გამარტივებისთვის სერვისების 80% გააციფრულა
ირმა ინაშვილი - ჩვენ დამოუკიდებლად ვმოქმედებთ და ვაკეთებთ იმას, რასაც სინდისი გვკარნახობს! (R)