საქართველოს პრეზიდენტის ადმინისტრაციის თანამშრომლებმა დღეს სისხლის უანგარო დონაციის აქციაში მიიღეს მონაწილეობა, რომელიც "სისხლის ნაციონლური ბანკის" ორგანიზებით გაიმართა. ამის შესახებ “ინტერპრესნიუსს” პრეზიდენტის ადმინისტრაციიდან აცნობეს.

უწყების ინფორმაციით, პრეზიდენტის ადმინისტრაციის თანამშრომლები სისტემატიურად მონაწილეობენ ქვეყანაში მოქმედი სისხლის ბანკების სხვადასხვა აქციებში, რითიც გამოხატავენ თანადგომას იმ ადამიანთა მიმართ, რომელთაც დახმარება სჭირდებათ და მხარს უჭერენ საზოგადოებაში სისხლის უანგარო დონაციის კულტურის დამკვიდრებას.

იხილეთ ვიდეო: პრეზიდენტის ადმინისტრაციის თანამშრომლებმა სისხლის უანგარო დონაციის აქციაში მიიღეს მონაწილეობა