თუშეთის გზაზე ჩამოწოლილი მეწყერის ქვეშ მოყოლილ ერთ-ერთ ადამიანს თავის, თვალისა და ქვედა კიდურის დაზიანება აღენიშნება.
როგორც „ინტერპრესნიუსს“ სასწრაფო სამედიცინო დახმარების პრესსამსახურში განუცხადეს, სასწრაფო სამედიცინო დახმარების ბრიგადას ადგილზე ერთი დაშავებული დახვდა, რომელსაც თავის, თვალის და ქვედა კიდურის არეში ტრავმა აქვს და ის თელავის რეფერალურ საავადმყოფოში გადაჰყავთ.
შეგახსენებთ, რომ ფშაველი-აბანო-ომალოს გზის 36-ე კილომეტრზე მეწყერი ჩამოწვა, რომელმაც წინასწარი ინფორმაციით 2 ადამიანი მოიყოლა. სამაშველო ბრიგადები სამძებრო სამუშაოებს აგრძელებენ.