ამირან გამყრელიძე - ახლა ვართ შიდა გავრცელების მე- 7 კვირაში, დავაკვირდეთ მე-7 და მე-8 კვირას როგორ გავივლით, ამასობაში ზაფხულიც მოგვიწევს, დადგება თბილი ამინდები და იმედი გვაქვს, ისიც გარკვეულად შეგვეხიდება

დაავადებათა კონტროლის ეროვნული ცენტრის დირექტორის, ამირან გამყრელიძის განცხადებით, სწორედ დროული და ეფექტიანი შეზღუდვების შედეგია ის, რომ ყველდღიურად ქვეყანაში ინფიცირების ასეული შემთხვევები არ ფიქსირდება.

როგორც გამყრელიძემ ბრიფინგზე განაცხადა, საქართველოში არც ერთი ისეთი შეზღუდვა არ განხორციელებულა, რასაც სხვა ქვეყნებში არ მიმართავენ.

„ჩვენი ცენტრი იძლევა რეკომენდაციებს და ამაზე მსჯელობს ძალიან მნიშვნელოვანი ორგანო - საკოორდინაციო საბჭო და ვიღებთ ერთობლივ გადაწყვეტილებას. ისეთი შეზღუდვები არ განგვიხორციელებია, რაც არც ერთ ქვეყანას განუხორციელებია ამ ეპიდემიის პირობებში. ჩვენი შემზღუდავი ღონისძიებები გატარდა ცოტა ადრე და საკმაოდ ეფექტიანად გაატარა ქვეყანამ და ამიტომ არის, რომ დღეს არ არის ახალი, ყოველდღიური ასეული შემთხვევა და არ გვაქვს რამდენიმე ათასეული შემთხვევა“,- განაცხადა გამყრელიძემ.

მისივე თქმით, საქართველო კორონავირუსის შიდა გავრცელებიდან მე-7 კვირაშია, ამიტომ უნდა დავაკვირდეთ, თუ როგორ გავივლით ამ პერიოდს.

„თავიდანვე ვთქვი, რომ ახალ ველოსიპედს ჩვენ ვერ გამოვიგონებთ, შიდა გავრცელების დაწყებიდან მე-6, მე-7, მე-8 კვირა არის ხოლმე ყოველთვის საფრთხილო. შიდა გავრცელება ჩვენთან დაიწყო, როგორც მახსოვს, 23 მარტს, ახლა ვართ მე-7 კვირაში, ამიტომ დავაკვირდეთ მე-7 დ მე-8 კვირას და ვნახოთ, როგორ გავივლით. ამასობაში ზაფხულიც მოგვიწევს, დადგება თბილი, მდგრადი ამინდები და იმედი გვაქვს, რომ ისიც გარკვეულად შეგვეხიდება“,- განაცხადა გამყრელიძემ.

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
კოვიდ-19 პანდემიის ფონზე თანამედროვე საერთაშორისო სამოქალაქო ავიაციის სამართლებრივი პრობლემები და პერსპექტივები
რატომ არის მნიშვნელოვანი ცემენტის ხარისხის კონტროლი სეისმურად აქტიურ ზონაში
კრედო ბანკმა ევროპის განვითარების წამყვანი ფინანსური ინსტიტუტის - PROPARCO-სგან 5 მილიონი დოლარის ფინანსური რესურსი მოიზიდა
ლიბერთის აქცია #გულით პედაგოგებისთვის გრძელდება
„ვისოლის“ თვითმომსახურების სადგურზე „სმარტის“ სუპერმარკეტი და „დანკინის” ევროპაში პირველი Drive-Thru რესტორანი გაიხსნა
ათეა გენდერული ძალადობის წინააღმდეგ 16-დღიან გლობალურ კამპანიას უერთდება