ხათუნა ზახაშვილი - ვირუსის გადაცემის ინტენსივობა შემცირებულია და უფრო დაბალია

დაავადებათა კონტროლის ეროვნული ცენტრის გადამდებ დაავადებათა დეპარტამენტის ხელმძღვანელის, ხათუნა ზახაშვილის განცხადებით, საქართველოში კორონავირუსის რეპროდუქციის ინდექსი 1-ზე ქვემოთ ჩამოვიდა, რაც იმას ნიშნავს, რომ გადაცემის ინტენსივობა შემცირებულია.

როგორც ზახაშვილმა ბრიფინგზე განაცხადა, ინფექციას ახასიათებს ტალღოვანი მიმდინარეობა -პერიოდულად ხდება მატება და მერე ისევ კლება.

„ჩვენ ყოველდღიურ რეჟიმში ვცდილობთ მივდიოთ ახალ გამოვლენილ შემთხვევებს, გამოჯანმრთელების შემთხვევებს, დავთავლოთ ეს რეპროდუქციის ინდექსი. გუშინდელი მონაცემებით, ეს ინდექსი იყო 089, ბოლო 15 დღის საშუალო ინდექსი იყო 097, ხოლო 30 დღის იყო 1,23. თავად იმსჯელეთ და დაასკვნით. როდესაც 1-ზე ქვემოთ ეცემა ინდექსი, ეს იმას ნიშნავს, რომ გადაცემის ინტენსივობა შემცირებულია და უფრო დაბალია.

როგორც ჩანს ინფექციას ახასიათებს ტაღოვანი მიმდინარეობა პერიოდულად ხდება რამდენადმე მატება, მერე ისევ კლება. სხვა ქვეყნების ანალოგიებიც იგივეს აჩვენებს, სადაც ბევრია შემთხვევები ან შედარებით ცოტა. რა თქმა უნდა, გვექნება უფრო მეტი შემთხვევებიც, ეს ინდექსიც შესაძლოა მერყეობდეს, ამიტომაც ვაკვირდებით მრავალდღიან ცვლილებას ამ ინდექსის, რაც მოგვცემს სამომავლოდ პროგნოზირების საშუალებას და შეზღუდვის ღონისძიებების დაგეგმვის საშუალებას“, - განაცხადა ზახაშვილმა.

ამავე ბრიფინგზე დაავადებათა კონტროლის ცენტრის ხელმძღვანელმა ამირან გამყრელიძემ განაცხადა, რომ დაბალი ინდექსის პირობებში დადგენილი შეზღუდვების მოხსნა შესაძლებელი იქნება.

„ყველას ამოცანაა, შევინარჩუნოთ გადაცემის დაბალი ინდექსი და მაშინ შეგვეძლება თამამად ვთქვათ, რომ შემსუბუქების რეკომენდაციები უფრო აქტიური იყოს, თუ, რა თქმა უნდა, შევძელით და შევინარჩუნეთ რეპროდუქციის ინდექსი ამ ფარგლებში. გარკვეულ დღეებში გამოჯანმრთელებულთა რაოდენობა აჭარბებს ახლად ინფიცირებულთა გამოვლენილ რაოდენობას. მაქვს ინფორმაცია, რომ ხვალ დილისთვის ბევრად უკეთესი რიცხვი გვექნება“, - განაცხადა გამყრელიძემ.

ალექსანდრე თვალჭრელიძე - თუ დაინიშნა რიგგარეშე საპარლამენტო არჩევნები, რისი ალბათობა რეალურია, 2024 წლის საპარლამენტო არჩევნების შედეგად ვერც ერთი პარტია გადამწყვეტ უმრავლესობას ვერ მოიპოვებს
ქართული პრესის მიმოხილვა 18.06.2021
ვიქტორ ყიფიანი - მოსკოვს ჰიბრიდულ-რევიზიონისტული საგარეო კურსის შესანარჩუნებლად სჭირდება ჟენევის მსგავსი ფორმატები, ძველი ან ახალი „წითელი ხაზების“ მონიშვნით საკუთარი და სხვისი ძალების მოსინჯვა
შვეიცარული პრემიუმ ბრენდი HORMETA უკვე ხელმისაწვდომია საქართველოში, ექსკლუზიურად PSP-ში
ვაშლის და საზამთრო-ნესვის არომატი – "სნო" ზაფხულს წყლის ახალი არომატებით იწყებს (R)
მოგზაურობა ძველ თბილისში და კულინარიული სამოთხე გურმანებისთვის - თბილისში უნიკალური სივრცე „ბაზარი“ გაიხსნა
ბინა განვადებით ლარში - „თეთრი კვადრატის“ ექსკლუზიური შეთავაზება უძრავი ქონების ბაზარზე