ოპოზიციური პარტიების სრულმა ან ნაწილობრივმა საპარლამენტო ბოიკოტმა საქართველოში, ალბანეთში, ბულგარეთში, მონტენეგროსა და სერბეთში პარლამენტის მუშაობა შეაფერხა და სამართლიანობისა და ლეგიტიმურობის სიმცირეზე მიუთითა. ამის შესახებ Freedom house-ის ახალი ანგარიშშია ნათქვამი.

ანგარიშის თანახმად, პარლამენტი მასზე დაკისრებულ მოვალეობას სათანადოდ ვერ შეასრულებს, თუ გადაწყვეტილებებს განხილვის გარეშე მიიღებს და ამასთანავე უშედეგო აქციების არენად გადაიქცევა.

„პარლამენტმა, როგორც წესი, პოლიტიკური უთანხმოება დებატების, დისკუსიებისა და კომპრომისების გზით უნდა მოაგვაროს, ყურადღებით განიხილოს შეთავაზებული ცვლილებები და შეამოწმოს აღმასრულებელი ხელისუფლების მიერ როგორც გულწრფელად დაშვებული შეცდომები, ასევე ძალაუფლების ბოროტად გამოყენების ფაქტები. პარლამენტი ვერ შეასრულებს ამ უმნიშვნელოვანეს ფუნქციას თუ ის გადაიქცევა უწყებად, რომელიც განხილვის გარეშე იღებს გადაწყვეტილებებს და არის უშედეგო აქციების არენა,“- ნათქვამია Freedom house-ის ახალ ანგარიშში.