ბრაზილიის პრეზიდენტის ჟაირ ბოლსონაროს პრეს-სპიკერს ოტავიო სანტანა დო რეგო ბაროსს კორონავირუსი დაუდასტურდა, - ამის შესახებ ინფორმაციას „სიენენი“ ავრცელებს.

ტელეკომპანიის ცნობით, რეგო ბაროსის პრეს-სამსახურმა განცხადება გაავრცელა, სადაც აღნიშნულია, რომ პრეს-სპიკერს სერიოზული სიმპტომები არ აღენიშნება და საკუთარ სახლში მკურნალობს.

ცნობისათვის, ბრაზილიაში ბოლო 24 საათის განმავლობაში კორონავირუსის დადასტურებული შემთხვევების რეკორდული მაჩვენებელი დაფიქსირდა. ოფიციალური მონაცემებით, შემთხვევების რაოდენობა 10 503-ით გაიზარდა და 125 218-ს მიაღწია. ბოლო დღე-ღამის განმავლობაში ვირუსით კიდევ 615 ადამიანი გარდაიცვალა და დაღუპულთა საერთო რაოდენობა 8 536-მდე გაიზარდა.