ინდოეთში, ქიმიურ ქარხანაში მომწამვლელი გაზის გაჟონვის შედეგად, სულ მცირე 5 ადამიანი დაიღუპა და ასობით ჰოსპიტალიზებულია.

„ამ წუთისთვის, მხოლოდ 5 ადამიანის გარდაცვალება შეგვიძლია დავადასტუროთ, თუმცა გარდაცვლილი მეტია. დაახლოებით 70 ადამიანი უგონო მდგომარეობაში იმყოფება საავადმყოფოებში. მთლიანობაში 200-დან 500-მდე ადამიანია ჰოსპიტალიზებული“,-აცხადებენ საპორტო ქალაქ ვისაჰაფატმანის პოლიციაში, სადაც ინციდენტი მოხდა.

პოლიციის ინფორმაციითვე, ქარხანა, საიდანაც 2 ტონიანი ტანკერიდან გაზმა გაჟონა, კორონავირუსის გავრცელების პრევენციისთვის დაწესებული კარანტინის გამო, უყურადღებოდ იყო დატოვებული.

„ის მიტოვებული იყო და ქიმიური რეაქცია მოხდა. ტანკერში სიცხემ აიწია და გაზმა გაჟონა“,-განუცხადა „ფრანს პრესს“ კომისრის ასისტენმა სვარუფ რანიმ.

მისივე თქმით, დაღუპულთა და დაზარალებულთა შესახებ ინფორმაცია რამდენიმე საათში გახდება ცნობილი.