მარნეულში აღებული 303 ტესტიდან ყველას შემთხვევაში უარყოფითი პასუხი მოვიდა, - აღნიშნულის შესახებ „ინტერპრესნიუსს“ მარნეულის მუნიციპალიტეტის მერმა ზაურ დარგალმა განუცხადა.

როგორც დარგალი განმარტავს, მათ მხარეში ვითარება მშვიდია და საგაზაფხულო სამუშაოებიც შეუფერხებელ რეჟმში მიმდინარეობს.

„აღებული 303 PCR ტესტიდან ყველას შემთხვევაში უარყოფითი პასუხი მოვიდა. დღემდე მარნეულში სულ 22 პირია დაინფიცირებული, მათგან 15 გამოჯანმრთელდა. თვითიზოლაციაში 38 ადამიანი იმყოფება.

საგაზაფხულო სამუშაოებს რაც შეეხება, აქტიურად მიმდინარეობს და ფერმერებს სოფლის მეურნეობის პროდუქციის გატანაში ვეხმარებით, იცით, რომ ამ მიმართულებით, რამდენიმე კვირაა ვმუშაობთ და გეგმის მიხედვით მოსახლეობისთვის დახმარების გაწევა გრძელდება“, - აცხადებს დარგალი.