ჯანდაცვის სამინისტროს აქვს მიღებული დავალებები, რომ საზღვრებზე უნდა გაძლიერდეს თითოეული შემომსვლელი ადამიანის კონტროლი. თუ აქამდე ჩვენ გვჭირდებოდა 24 საათიანი 14-დღიანი კარანტინი, ეს კონტროლი ერთ საათში უნდა იყოს დასრულებული, - ამის შესახებ საქართველოს პრემიერ-მინისტრმა გიორგი გახარიამ უწყებათაშორისი საკოორდინაციო საბჭოს ფარგლებში არსებული ეკონომიკური ჯგუფის სხდომაზე განაცხადა.

მისივე თქმით, საქართველოს აქვს შესაძლებლობა გამოყოს უსაფრთხო ტურისტული ზონები, ეს შეიძლება იყოს: წყალტუბო, გუდაური, საირმე, აბასთუმანი, ბორჯომი და კიდევ ბევრი.

„ეს კურორტები ისტორიულად პოზიციონირებდნენ როგორც სასუნთქი ორგანოების რეაბილიტაციისთვის აუცილებელი ზონები. ჩვენ ამაზეც ვფიქრობთ იმიტომ, რომ ტურიზმის აღდგენისთვის მნიშვნელოვანია რამდენიმე წამყვანი კონტროლის წერტილი. პირველი ეს არის საზღვარი, როგორც სახმელეთო, ასევე საჰაერო და აქ ჯანდაცვის სამინისტროს აქვს მიღებული დავალებები, რომ საზღვარზე უნდა გაძლიერდეს კონტროლი შემომსვლელი თითოეული ადამიანის. და თუ აქამდე ჩვენ გვჭირდებოდა 24 საათიანი 14- დღიანი კარანტინი, ეს კონტროლი ერთ საათში უნდა იყოს დასრულებული. ამის შესაძლებლობები არსებობს და ჯანდაცვის სამინისტრო ამ ამოცანას გადაწყვეტს უახლოეს პერიოდში,“ - აღნიშნა გიორგი გახარიამ.