თბილისის საქალაქო სასამართლომ „გირჩის” მიერ ორგანიზებულ ე.წ. სეირნობის აქციაზე ადმინისტრაციული წესით დაკავებული სამი პირიდან ორს ჯარიმა დააკისრა, ერთს კი გაფრთხილება მისცა.
როგორც „ინტერპრესნიუსს” „გირჩში” განუცხადეს, ორი პირი 1000-1000 ლარი დაჯარიმდა.
ცნობისთვის, 23 აპრილს „გირჩის” მიერ ორგანიზებულ აქციაზე პარტიის ლიდერი, ზურაბ ჯაფარიძე და კიდევ 14 აქტივისტი 3000-3000 ლარით დააჯარიმეს, 3 პირი კი წვრილმანი ხულიგნობისა და სამართალდამცველების კანონიერი მოთხოვნისადმი დაუმორჩილებლობისთვის დააკავეს.