აშშ-ს შემდეგ, იაპონია „რემდესივირს“ კორონავირუსის სამკურნალო პრეპარატად ამტკიცებს. ქვეყანაში აცხადებენ, რომ კომპანია „გილიადის“ მიერ წარმოებული პრეპარატი, რომელიც თავდაპირველად ებოლას საწინააღმდეგოდ იყო შექმნილი, კოვიდ პაციენტების გამოჯანმრთელების პერიოდს მნიშვნელოვნად ამცირებს.
იაპონიის ჯანდაცვის სამინისტროს ინფორმაციით, მას მწვავე სიმპტომების მქონე პაციენტებში გამოიყენებენ.
ცნობისთვის, აშშ-ის საკვებისა და მედიკამენტების ადმინისტრაციამ „რემდესივირი“ კორონავირუსის სამკურნალო პრეპარატად გასულ კვირას დაამტკიცა.