საგარეჯოში მომუშავე ექთანი, რომელსაც სწრაფი ტესტით კორონავირუსი უფიქსირდება, PCR მეთოდით გადამოწმდება

საგარეჯოს "ჯეო ჰოსპიტალსის" ექთანი, რომელსაც სწრაფი ტესტით კორონავირუსი უფიქსირდება, PCR მეთოდით გადამოწმდება. როგორც ვახტანგ ბოჭორიშვილის სახელობის კლინიკის სამეთვალყურეო საბჭოს თავმჯდომარე მაკა სოლოღაშვილმა ჟურნალისტებს განუცხადა, მედიკოსი საგარეჯოს გარდა, მათ კლინიკაშიცაა დასაქმებული და ამჟამად სწორედ ბოჭორიშვილის საავადმყოფოში, იზოლირებულად ბოქსირებულ სექტორში იმყოფება.

მისივე განმარტებით, იქამდე, ვიდრე PCR ტესტის პასუხები არ გახდება ცნობილი, მედიკოსი კოვიდინფიცირებულად არ ითვლება.

"დღეს მის მონაცემებს ოქროს სტანდარტით, PCR მეთოდით გადავამოწმებთ. ამის შემდეგ ჩვენ გავაკეთებთ განცხადებას და დასკვნას ვადასტურებთ თუ არა ამ დიაგნოზს. ყოველი შემთხვევისთვის კონტაქტები შესწავლილია, რომ დადებითი პასუხის შემთხვევაში დრო არ დაიკარგოს. თვითონ მედიკოსი ელოდება განმეორებით კვლევას. როგორც ვიცით, აღებულია მასალა ცხვირ-ხახიდან, სავარაუდოდ, ჩატარებულია PCR ტესტი, მაგრამ არის მეორე შემთხვევა, როგორც გითხარით, რომელიც ექიმების შეხედულებისამებრ საჭიროებს გადამოწმებას," - განაცხადა სოლოღაშვილმა.

მისივე თქმით, მედიკოსთან სავარაუდო კონტაქტში მყოფ ბოჭორიშვილის კლინიკის 23 თანამშრომელს კვლევა ჩაუტარდა და მათი პასუხი კორონავირუსზე უარყოფითია.

"კლინიკაში არის სპეციფიკურად განსაზღვრული სქემები. მედიკოსების ჯგუფებს არ აქვთ ერთმანეთთან შეხება და მაქსიმალურად მინიმუმამდეა დაყვანილი კონტაქტების ეპიდემიოლოგიური რისკები. რა თქმა უნდა, მედპერსონალთან ჰქონდა შეხება, მაგრამ ეს არის რამდენიმე ერთეული ადამიანი, რომლებიც კარანტინში გადავლენ. დაინფიცირების წყაროს თქმა ძნელია. კლინიკაში მინიმუმამდეა დაყვანილი. გუშინ ვისთანაც შესაძლებელია ჰქონოდა კონტაქტი, მათ ნაწილს, კლინიკის 23 თანამშრომელს, ჩაუტარდა ტესტი და მივიღეთ უარყოფით შედეგები. ვინაიდან ორ კვირაში ერთხელ ყველა პერსონალის ტესტირება სავალდებულოა და წინასწარი გრაფიკის მიხედვით ვატარებთ. რა თქმა უნდა, გრაფიკში გადმონაცვლდებიან ის ადამიანები, რომლებსაც მეორეული ან მესამეული კონტაქტები შეიძლება ჰქონდეს ამ მედპერსონასთან. PCR ტესტი მართალია არის ოქროს სტანდარტი, დღეს არსებული ტესტებიდან, მაგრამ მისი მგრძნობელობა არის 85 %. სწორედ ამისთვის არებობს კლინიცისტი, რომელმაც თავისი დამატებითი კვლევები უნდა ჩაატაროს. ამის შემდეგ უნდა გადაწყდეს. ცალკე განყენებულად ტესტი არცერთ პაციენტთან არ მოქმედებს. იგივე ხდება აქაც. კლინიცისტს აქვს უფლება პაციენტის გამოკვლევის შემდეგ მიიღოს გადაწყვეტილება და პროტოკოლში გაწერილი მერვე თავის მიხედვით, მინიმუმ მე-2-მე-4 დღიდან გაიმეოროს PCR კვლევა," - განაცხადა სოლოღაშვილმა.

შეგახსენებთ, რომ საგარეჯოში მომუშავე ექთანს სწრაფი ტესტი გუშინ ჩაუტარდა, რამაც ვირუსზე დადებითი პასუხი აჩვენა.

ვიქტორ ყიფიანი - მოსკოვს ჰიბრიდულ-რევიზიონისტული საგარეო კურსის შესანარჩუნებლად სჭირდება ჟენევის მსგავსი ფორმატები, ძველი ან ახალი „წითელი ხაზების“ მონიშვნით საკუთარი და სხვისი ძალების მოსინჯვა
ქართული პრესის მიმოხილვა 17.06.2021
ხათუნა ბურკაძე - შეცვლილ საერთაშორისო გარემოში საქართველოს ალიანსში წევრობისათვის აუცილებელია ქვეყნის ახალი ფუნქციის გამოკვეთა
„ბრითიშ ამერიკან ტობაკო“ - კომპანია მსოფლიოს მასშტაბით აქტიურად არის ჩართული არალეგალური თამბაქოს პროდუქტებთან ბრძოლაში და თანამშრომლობს მრავალი ქვეყნის შესაბამის სტრუქტურებთან
კომპანია "ოთი ისთეითს" ინდონეზიის საელჩოს რწმუნებული ეწვია
"ფილიპ მორის საქართველო" თამბაქოს არალეგალურ ვაჭრობასთან დაკავშირებით პარლამენტში გამართულ დისკუსიას ეხმაურება
საქართველოს უნივერსიტეტის საჩუქარი 2021 წელს ჩარიცხული სტუდენტებისთვის