წელს სამედიცინო დაწესებულებების რეაბილიტაციისა და აღჭურვისთვის 17 მილიონ ლარზე მეტი გამოიყოფა

2020 წელს სამედიცინო დაწესებულებების რეაბილიტაციისა და აღჭურვისთვის 17 673 700 ლარი გამოიყოფა. ამის შესახებ მთავრობის №292 დადგენილებაშია აღნიშნული.

საკანონმდებლო მაცნეში გამოქვეყნებული დადგენილების თანახმად, გამოყოფილი ბიუჯეტი სამედიცინო დაწესებულებების სამშენებლო სამუშაოებს, ავტოსატრანსპორტო საშუალებების შესყიდვას, პირველადი ჯანდაცვის ცენტრების აღჭურვას და სხვა ისეთ მიმართულებებს მოხმარდება, რაც დაწესებულებების გამართულად ფუნქციონირებისთვის არის საჭირო.

კერძოდ, 17 673 700 ლარის მოცულობის ბიუჯეტი შემდეგნაირად გადანაწილდება:

ზუგდიდის მუნიციპალიტეტის სოფელ რუხში მრავალპროფილიანი საუნივერსიტეტო კლინიკის სამშენებლო სამუშაოების განხორციელება - 391 300 ლარი.

საგანგებო სიტუაციების კოორდინაციისა და გადაუდებელი დახმარების ცენტრის ადმინისტრაციულ-ტერიტორიულ ქვედანაყოფებში ახალი ოფისების ინფრასტრუქტურის მოწყობის სამუშაოების შესყიდვა - 50 000 ლარი.

საგანგებო სიტუაციების კოორდინაციისა და გადაუდებელი დახმარების ცენტრის სპეციალიზებული ავტომანქანების (45 ერთეული მაღალი გამავლობის (მინივენის ტიპი), 15 ერთეული მაღალი გამავლობისა და 4 ერთეული საშუალო გამავლობის რეანიმობილი) შესყიდვა 11 802 900 ლარი.

პირველადი ჯანდაცვის ცენტრების აღჭურვა 1 000 000 ლარი პროგრამის ადმინისტრირება - 387 000 ლარი.

ქალაქ თბილისის მუნიციპალიტეტის სსიპ − სასწრაფო სამედიცინო დახმარების ცენტრის მიერ 2019 წელს შესყიდული 80 ერთეული ავტოსატრანსპორტო საშუალების ღირებულების ანაზღაურება (ნაწილობრივი) - 3 397 000 ლარი.

„ინფექციური პათოლოგიის, შიდსისა და კლინიკური იმუნოლოგიის სამეცნიერო-პრაქტიკული ცენტრის“ ფუნქციონირების უწყვეტობის უზრუნველსაყოფად, საიჯარო გადასახადი - 407 800 ლარი.

NordDRG Grouper- პროგრამული უზრუნველყოფის შესყიდვა და დამატებული ღირებულების გადასახადი 237 700 ლარი.

ეკატერინე ციმაკურიძე - განსაკუთრებული პრობლემაა ხელისუფლების მცდელობები თავი აარიდოს 19 აპრილის შეთანხმების ისე შესრულებას, როგორც ეს თავად ამ შეთანხმებითაა ნაგულისხმევი
ქართული პრესის მიმოხილვა 23.06.2021
სტეპან გრიგორიანი - ფაშინიანმა არჩევნები იმის გამო მოიგო, რომ სომეხმა ხალხმა ყარაბაღის ომში დამარცხება მას არ დაუკავშირა
ჭარბი წონა მსოფლიოში არა მხოლოდ პრობლემა,  დიდი ხანია, პანდემიაა (R)
"თბილისის ბალნეოლოგიურ კურორტში“ კონფერენცია „კურორტოლოგიის როლი მედიცინაში“ გაიმართა
ტერაბანკმა FMO-სგან გრძელვადიანი დაფინანსება მიიღო