პარტია "ახალი საქართველოს" სოციალური მიმართულების ხელმძღვანელის თეონა ჭალიძის განცხადებით, სახელმწიფო რაიონში ჩაწერილ მოქალაქეებს, რომლებიც თბილისში ქირით ცხოვრობენ, შიმშილისთვის წირავს.
ჭალიძის თქმით, „არავის ადარდებს ეს ხალხი, რადგან მათი დიდი ნაწილი არჩევნებშიც არ და ვერ მონაწილეობს”.
„თუ რაიონში ხარ ჩაწერილი და თბილისში ქირით ცხოვრობ, ან სხვაგან ხარ ჩაწერილი და სხვაგან ჩარჩი, უბრალოდ ოფიციალურად განწირული ხარ შიმშილისთვის. ყურადღებას არ გაქცევს არავინ. ასეთი შემთხვევებისთვის, უბრალოდ, არ იცი ვის მიმართო, იმიტომ რომ ასეთი არც არავინ არაა ამ ქვეყანაში. ადგილობრივი თვითმმართველობის ორგანოები გისტუმრებენ ტექსტით: ჩვენთან არ ხართ ჩაწერილი თორემ კი დაგეხმარებოდითო. ნუ, ესეც მტკნარი სიცრუეა, მაგრამ მიზეზი არსებობს, რომ არ დაგეხმარონ. გახარია არ იცოდით ეს ხომ? არადა, როცა საგანგებო ვითარებაა მსგავს საკითხებზეც უნდა იფიქროს ვინმემ და გამოსავალი უნდა იყოს წარმოდგენილი, მაგრამ არავის ადარდებს ეს ხალხი იმიტომ, რომ მათი დიდი ნაწილი არჩევნებშიც არ და ვერ მონაწილეობს. ხმებს ვერ მიიღებენ მათგან და ამიტომაც კისერიც უტეხიათო”, - განაცხადა თეონა ჭალიძემ.
აღნიშნულ კომენტარს პარტია „ახალი საქართველოს“ პრესსამსახური ავრცელებს.