გიორგი ვაშაძე ექიმებს - დღემდე არ არის ცნობილი, თუ რა ეპიდუსაფრთხოების სტანდარტებით უნდა ვიმოქმედოთ ქვეყნის შიგნით

ჩემთვის, როგორც საქართველოს მოქალაქისთვის, დღემდე არ არის ცნობილი, თუ რა ეპიდუსაფრთხოების სტანდარტებით უნდა ვიმოქმედოთ ქვეყნის შიგნით,- ამის შესახებ „ახალი საქართველოს“ ლიდერმა გიორგი ვაშაძემ ექიმებთან შეხვედრისას განაცხადა.

გიორგი ვაშაძის განმარტებით, ის ექიმებთან ერთად კორონავირუსულ ინფექციასთან დაკავშირებულ რამდენიმე მნიშვნელოვან საკითხს განიხილავს და მათ შორის იმას, თუ როგორ უნდა მოხდეს უსაფრთხოების წესების მაქსიმალური დაცვით ქვეყანაში ტურისტების მიღება.

„თქვენი მოსაზრება არის ყველაზე მნიშვნელოვანი, მითუმეტეს, კორონავირუსის პირობებში. დღეს ვისაუბრებთ იმ მნიშვნელოვან პრობლემაზე, რომელიც თითოეულ ჩვენგანს გვაწუხებს - კორონავირუსი ერთი მხრივ, მეორე მხრივ - ეკონომიკური პრობლემები. სად არის ზღვარი შეზღუდვებსა და სამსახურს შორის, ელემენტარულად ადამიანები, რომ შიმშილმა არ მოკლას. საინტერესო სტატია ვნახე გაეროს საკვების უსაფრთხოების ხელმძღვანელის, რომლის მიხედვითაც შეზღუდვები რაღაც პერიოდში, რა თქმა უნდა, სიკვდილიანობას ამცირებს, მაგრამ შემდეგ უკვე თუ დიდხანს გაგრძელდა ზრდის სერიოზულად სიკვდილიანობას და ჯანმრთელობის პრობლემებს აჩენს შიმშილიდან და სოციალური პრობლემებიდან გამომდინარე. ამიტომ ეს რაღაც ოქროს შუალედი აუცილებელია დაცული იყოს. ორ თემაზე გვინდა დღეს ვისაუბროთ, პირველი - ეს არის ეპიდუსაფრთხოების სტანდარტები. ჩემთვის როგორც საქართველოს მოქალაქისთვის დღემდე არ არის ცნობილი თუ რა ეპიდუსაფრთხოების სტანდარტებით უნდა ვიმოქმედოთ დღეს ქვეყნის შიგნით და მეორე არის ის, თუ რა ალგორითმით ვახდენთ ტურისტების ტესტირებას, ანუ კოვიდპასპორტის გაცემას, რომ ისინი ჯანმრთელები შემოვიდნენ და არ მოხდეს ვირუსის ხელახალი გავრცელება უცხოეთიდან მიღებული მგზავრებიდან გამომდინარე“, - განაცხადა გიორგი ვაშაძემ.

ზაზა ფირალიშვილი - სამწუხაროდ, ჩვენი პოლიტიკური სპექტრი და უბრალო ადამიანები განსხვავებულ სამყაროებში ცხოვრობენ, ვფიქრობ, ეს არის სერიოზული პოლიტიკური, უფრო მეტიც, საზოგადოებრივი კრიზისის ნიშანი
ქართული პრესის მიმოხილვა 14.06.2021
კარლ ჰარცელი - მჯერა, რომ 19 აპრილის შეთანხმებით, სულ მცირე, კრიზისის ეს თავი დაიხურა - საბოლოო ჯამში, ეს ახალი ეპოქის დასაწყისია
ლექსუს თბილისი  ევროპის 300 დილერს შორის საუკეთესო ათეულში მოხვდა და უკვე ზედიზედ მეორედ  მიიღო კლიენტთა გამორჩეული მომსახურებისთვის დაწესებული LEXUS KIWAMI-ის უმნიშვნელოვანესი ჯილდო
PSP და MASTERCARD განსაკუთრებული შეთავაზებით სარგებლობას მომხმარებელი უკვე დღეიდან შეძლებს
მნიშვნელოვანი წვლილი ქართული ეკონომიკის განვითარებაში: „კარფური“ 10 უმსხვილეს ინვესტორს შორის