რომან გოცირიძე - ივანიშვილმა გადაწყვიტა საყვარელი „ტრიუკი” გაიმეოროს - გახარიას განცხადებიდან ჩანს, რომ პოლიტპატიმრების ციხეში დატოვებას და 120/30-ზე გადასვლაზე უარის თქმას აპირებენ

როგორც ჩანს, ივანიშვილმა გადაწყვიტა კვლავ გაიმეოროს თავისი საყვარელი „ტრიუკი” და უარი თქვას შეთანხმების შესრულებაზე, - ამის შესახებ ფრაქცია „ნაციონალური მოძრაობის“ თავმჯდომარემ რომან გოცირიძემ „ინტერპრესნიუსს“ განუცხადა, რითაც გამოეხმაურა პრემიერ-მინისტრის დღევანდელ განცხადებას პოლიტპატიმრებთან დაკავშირებით.

გოცირიძის თქმით, გახარიას განცხადებაში გამოჩნდა, რომ „ქართული ოცნება“ არც საარჩევნო სისტემის ცვლილებას აპირებს და არც პოლიტიკური პატიმრების გათავისუფლებას.

„კორონავირუსის პანდემიის პირობებში, როცა მსოფლიო გლობალურ, სასიცოცხლოდ მნიშვნელოვან საკითხებზეა გადართული, როგორც ჩანს, ივანიშვილმა გადაწყვიტა კვლავ გაიმეოროს თავისი საყვარელი „ტრიუკი” და უარი თქვას შეთანხმების შესრულებაზე. როგორც მისი წარმომადგენლის, გიორგი გახარიას დღევანდელი განცხადებიდან ჩანს, აპირებენ 120/ 30-ზე საარჩევნო სისტემაზე გადასვლაზე უარის თქმას და პოლიტპატიმრების ციხეში დატოვებას. ასეთ ვითარებაში ჩატარებული არჩევნები არ იქნება ლეგიტიმური. ვირუსი გადაივლის, ერთიც და მეორეც,“ - განაცხადა გოცირიძემ.

შეგახსენებთ, რომ დღეს პრემიერ-მინისტრმა გიორგი გახარიამ განაცხადა, რომ საქართველოში პოლიტპატიმრები არ არსებობენ.

“საქართველოში პოლიტპატიმრები არ არსებობენ, წერტილი! საქართველოში პოლიტიკური მართლმსაჯულება არ არსებობს, კიდევ ერთი წერტილი. რაც შეეხება აღებულ ვალდებულებებს, სახელმწიფო ყველა იმ ვალდებულებას, რომელიც აიღო თავისი სტრატეგიული პარტნიორების წინაშე, ყველაფერს შეასრულებს”, - განაცხადა გახარიამ.

ვანო მაჭავარიანი - თუ ხელისუფლება და ოპოზიცია კოალიციური მმართველობის რაღაც ფორმაზე არ შეთანხმდნენ, ეს საქართველოსთვის უკეთესი პერსპექტივის ხელიდან გაშვებული შესაძლებლობა იქნება
ქართული პრესის მიმოხილვა 04.12.2020
„ალეკო ელისაშვილი - მოქალაქეების“ ერთ-ერთი ლიდერი ქეთი თურაზაშვილი - დღევანდელი დისტანციური სწავლება თავის მოტყუებაა
როგორ გავუშვათ ბიუჯეტური ონლაინრეკლამა მარტივად მაღალრეიტინგულ ვებგვერდებზე - ინტერვიუ Adword.ge-ს წარმომადგენელთან
თანამედროვე, მარტივი და უსაფრთხო ახალი ინტერნეტბანკინგი "პროკრედიტ ბანკის" მომხმარებლებისთვის
„ჰიუნდაის“ ელექტრომობილი 10 000-ლარიანი ფასდაკლებით, დამტენითა და 1-წლიანი დაზღვევით - შეთავაზება, რომელიც არ უნდა გამოგრჩეთ
ლიბერთი ბანკი სამომხმარებლო და ბიზნეს სესხებზე აქციას იწყებს
ევროკრედიტში საჩუქრების დროა  აირჩიე ის, რაც გაგიხარდება
"სილქნეტმა" ვირტუალური ოპერატორების სავალდებულო დაშვებასა და ამასთან დაკავშირებულ შესაძლო რისკებთან დაკავშირებით საფუძვლიანი კვლევები ჩაატარა