თენგიზ ცერცვაძე - ოპტიმისტური პროგნოზები მართლდება - მე ვიტყოდი, რომ ახლა არის სწორედ პლატო, პიკი არ გამოდგა ციცაბო

თანდათან მცირდება ახალი პაციენტების რიცხვი, ანუ მართლდება ის ოპტიმისტური პროგნოზები, რომელსაც ექსპერტები გამოთქვამდნენ, რომ სადღაც აპრილის ბოლოსთვის იქნებოდა პიკი, შემდეგ პლატო და შემდეგ ქვევითკენ წავიდოდა, - ამის შესახებ ინფექციური საავადმყოფოს დირექტორმა თენგიზ ცერცვაძემ ჟურნალისტებს განუცხადა.

მისი თქმით, თუკი მობილიზაციის და რეკომენდაციების დაცვის ეს ხარისხი გაგრძელდა, კორონავირუსით ინფიცირების შემთხვევები მკვეთრად აღარ მოიმატებს.

„თანდათან მცირდება ახალი პაციენტების რიცხვი, ანუ მართლდება ის ოპტიმისტური პროგნოზები, რომელსაც ექსპერტები გამოთქვამდნენ, რომ სადღაც აპრილის ბოლოსთვის იქნებოდა პიკი, შემდეგ პლატო და შემდეგ ქვევითკენ წავიდოდა. მე ვიტყოდი, რომ ახლა არის სწორედ პლატო, პიკი არ გამოდგა ციცაბო. გარანტირებულად ვერ გეტყვით, რომ მატება აღარ იქნება, მაგრამ ბოლო დღეები მიუთითებს იმაზე, რომ თუ რაღაცა სისულელე არ ჩავიდინეთ, სადღაც თავყრილობა არ მოვაწყვეთ,სადავეები ხელიდან არ გაგვექცა და თუ გაგრძელდა მობილიზაციის და მოტივაციის ის ხარისხი, რაც ახლაა, მაშინ, სავარაუდოდ ახლა ვიმყოფებით პიკზე, რომელსაც პლატოს სახე აქვს და წესით არ უნდა იქნეს მატება. თუ იქნება მატება, ეს იქნება მცირე - ერთი ათეული, ან ორი ათეული“, - განაცხადა ცერცვაძემ მცხეთაში, მეფე მირიანისა და ნანა დედოფლის სახელობის კლინიკაში სტუმრობის შემდეგ.

მისივე ინფორმაციით, მცხეთაში მდებარე მეფე მირიანისა და ნანა დედოფლის სახელობის კლინიკაში, რომელიც ცოტახნის წინ კოვიდ-კლინიკების რიცხვს დაემატა, ამ დროისთვის 14 პაციენტი მკურნალობს და არცერთი მათგანის მდგომარეობა არ არის მძიმე.

„აქ სულ ჰყავდათ 17 პაციენტი, მათგან 3 გაწერეს და ახლა ჰყავთ 14. სხვა ყველა კლინიკასთან შედარებით, სადაც მე ვყოფილვარ, ამ კლინიკაში არის შედარებით მსუბუქი ფორმის პაციენტები, პაციენტების დაახლოებით ნახევარი ჰყავთ საშუალო სიმძიმის. კრიტიკული ავადმყოფები საბედნიეროდ აქ ჯერ არ ჰყავთ, მაგრამ ძალიან კარგად მოწყობილი რეანიმაციული განყოფილება აქვთ 18 საწოლზე. სწორედ ამ ნიშნით შეირჩა ეს ცენტრი. გარწმუნებთ, რომ ეს არის ერთ-ერთი საუკეთესოდ მოწყობილი კლინიკა, რომელიც არ ჩამოუვარდება სხვა წამყვან კლინიკებს,“ - განაცხადა ცერცვაძემ.

covid 19-ის კლინიკური მართვის ხელმძღვანელი თენგიზ ცერცვაძე, თბილისის ინფექციური საავადმყოფოს ინფექციონისტებთან ერთად, მცხეთაში მდებარე მეფე მირიანისა და ნანა დედოფლის სახელობის კლინიკას ეწვია და ახალი კორონავირუსით დაინფიცირებული პაციენტების მდგომარეობას ადგილზე გაეცნო. შეხვედრა გაიმართა კლინიკის ხელმძღვანელობასთან და სამედიცინო პერსონალთან.

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
გიორგი ხვედელიანი - ვადამდელი არჩევნების დანიშვნას მიშელის ხელშეკრულება კი არა, ქართველი ხალხის ნება გადაწყვეტს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
კომპანია "იორკ თაუერსმა" დავით ტურაშვილთან ერთად ახალი კამპანია წამოიწყო
"სამსუნგის" Bespoke მაცივარი - შექმნილია შენთვის, შენ მიერ (R)
GIZ-ის მხარდაჭერით დაგეგმილია გარემოს ეროვნული სააგენტოს ხელშეწყობა თანამედროვე მონიტორინგული სისტემების დანერგვის პროცესში
„ნიკოს ეზო“ და „ფარდაგები რაჭიდან“ - Social Impact Award-ის ფინალისტები საგანმანათლებლო სფეროდან
საქართველოს ეროვნული უნივერსიტეტის და SEU DEVELOPMENT-ის ერთობლივი საჩუქარი SEU-ს სტუდენტს და ოლიმპიურ ჩემპიონს, ლაშა ბექაურს
ქართული ეროვნული მაუწყებლების მიერ ფასიანი ტრანზიტის მოთხოვნასთან დაკავშირებით საქართველოს საკაბელო ტელევიზიების კავშირი განცხადებას ავრცელებს
განახლებული ფორმატითა და მიზნებით - Setanta Sports-ი მაუწყებლობას 13 ქვეყანაში იწყებს
ჩაერთე სილქფესტის შეთავაზებებში და გაიაქტიურე დიდი მოცულობის ინტერნეტ და სასაუბრო პაკეტები
"ტანტა" და თერაპიის ცენტრი "გრადაცია" - Social Impact Award 2021-ის ფინალისტები ინკლუზიური მისიით