აფხაზეთის ავტონომიური რესპუბლიკის მთავრობის თავმჯდომარის რუსლან აბაშიძის განცხადებით, დღეს, საქართველო, ისე როგორც არასდროს, ახლოსა ევროპულ ოჯახში ღირსეული ადგილის დასამკვიდრებლად. აფხაზეთის მთავრობის ინფორმაციით, ამის შესახებ რუსლან აბაშიძემ ევროპის დღესთან დაკავშირებით განაცხადა.
„საქართველო შეუქცევადად ადგას ევროპული განვითარების გზას და ერთგულია იმ ევროპული ღირებულებების, როგორიც არის ადამიანის ღირსება, თავისუფლება, დემოკრატია, თანასწორობა და კანონის უზენაესობა. დღეს, საქართველო, ისე როგორც არასდროს არის ახლოს ევროპულ ოჯახში ღირსეული ადგილის დასამკვიდრებლად. აფხაზეთის ავტონომიური რესპუბლიკის მთავრობის სახელით, ევროპის დღე მინდა მივულოცო მთელ საზოგადოებასა და მეორე მსოფლიო ომის ვეტერანებს, რომელთაც თავიანთი სიცოცხლის რისკის ფასად მომავალი თაობებისთვის უზრუნველყვეს მშვიდობიან და უსაფრთხო სამყაროში ცხოვრება“,- განაცხადა რუსლან აბაშიძემ.