10 მაისი სახელმწიფო ინსპექტორის სამსახურის დღეა. როგორც „ინტერპრესნიუსს“ სახელმწიფო ინსპექტორის სამსახურიდან აცნობეს, სახელმწიფო ინსპექტორის სამსახური, ზუსტად ერთი წლის წინ, 2019 წლის 10 მაისს, პერსონალურ მონაცემთა დაცვის ინსპექტორის უფლებამონაცვლედ ჩამოყალიბდა.

უწყების ცნობით, სახელის ცვლილებასთან ერთად სამსახურს უმნიშვნელოვანესი ფუნქცია დაემატა.

სახელმწიფო ინსპექტორი ლონდა თოლორაია სამსახურის ერთი წლის საქმიანობისა და მნიშვნელოვანი სიახლეების შესახებ საუბრობს.

“ერთი წლის განმავლობაში სამსახურს დაემატა ძალიან მნიშნველოვანი ფუნქცია - მოხელეთა მიერ ჩადენილი დანაშაულების გამოძიების უფლებამოსილება, რამაც ჩვენი როლი ადამიანის უფლებათა დაცვის სფეროში კიდევ უფრო მეტად გაზარდა. სამსახურმა განსაზღვრა ახალი სტრატეგიული მიმართულებები, ჩამოყალიბდა ახალი სტრუქტურით და დაკომპლექტდა კონკურსის საფუძველზე შერჩეული პროფესიონალური კადრებით“, -აცხადებს ლონდა თოლორაია.

იხილეთ ვიდეო: 162 სისხლის სამართლის საქმე და 2 ათასზე მეტი საგამოძიებო მოქმედება - 10 მაისი სახელმწიფო ინსპექტორის სამსახურის დღეა!