თურქეთმა დროებით მოხსნა საკარანტინე შეზღუდვა, რომელიც 65 წელს გადაცილებულ ადამიანებს გარეთ გასვლას უკრძალავდა. მოხუცებს ქუჩაში სეირნობის უფლება კვირაში ერთხელ, 4 საათით მიეცათ. მათ სახლში დაახლოებით 2 თვე გაატარეს.
მოსახლეობის დანარჩენი ნაწილი კვლავ კარანტინში რჩება.
რამდენიმე დღის წინ ქვეყნის პრეზიდენტმა განაცხადა, რომ თურქეთი თანდათან დაიწყებდა დაწესებული შეზღუდვების შემსუბუქებას და ეს ხანდაზმულ ადამიანებსაც შეეხებოდა. თურქეთში ამ დრომდე კორონავირუსით 137 000-ზე მეტი ადამიანი დაინფიცირდა, 90 000-მდე პირი გამოჯანმრთელდა, 3 800-მდე პაციენტი კი გარდაიცვალა.