მალის ჩრდილოეთ ნაწილში მომხდარ აფეთქებას გაეროს სამი მშვიდობისმყოფელის სიცოხცლე ემსხვერპლა, - ამის შესახებ ინფორმაციას „დოიჩე ველე ავრცელებს.“

გამოცემის ცნობით, აფეთქების შედეგად მძიმედ დაშავდა კიდევ ოთხი მშვიდობისმყოფელი.

გავრცელებული ინფორმაციით, გზის პირას დამონტაჟებული ხელნაკეთი ასაფეთქებელი მოწყობილობა მაშინ ამოქმედდა, როდესაც მშვიდობისმყოფელები პატრულირებას ახორციელებდნენ.

მალიში გაერო-ს მისიის ხელმძღვანელმა მაჰამათ სალეჰ ანადიფიმ მომხდართან დაკავშირებით განცხადება გაავრცელა, სადაც აღნიშნულია, რომ დამნაშავეების გამოსავლენად და დასასჯელად ყველაფერს გააკეთებენ.

ასაფეთქებელი მოწყობილობების გზის პირას დამონტაჟება ჯიჰადისტების ცნობილი ტაქტიკაა, რასაც ისინი მალიში 2012 წლიდან ახორციელებენ. გაერო-ს მისია მალიში 2013 წლიდან იმყოფება და ამჟამად ქვეყანაში 13 000-მდე ჯარისკაცია განთავსებული.