არჩილ თალაკვაძის და „ქართული ოცნების“ საზრუნავი არ უნდა იყოს ოპოზიციის რეიტინგი, არამედ ის ადამიანები, ვინც დღეს შიმშილის ზღვარზე არიან, - ასე გამოეხმაურა „ევროპული საქართველოს“ წევრი ირმა ნადირაშვილი პარლამენტის თავმჯდომარის არჩილ თალაკვაძის განცხადებას, რომლის მიხედვით „ოპოზიციას აშფოთებს მოსახლეობის უკიდურესად დაბალი მხარდაჭერა, აშფოთებს მოახლოებული არჩევნები და კვლავაც რადიკალურ სცენარზე ფიქრს ამჯობინებს“.
ირმა ნადირაშვილის თქმით, ამაზე სერიოზულად პასუხის გაცემა არ ღირს.
„დღეს, არჩილ თალაკვაძის და „ქართული ოცნების“ საზრუნავი არ უნდა იყოს ოპოზიციის რეიტინგი, არამედ უნდა იყვნენ ის ადამიანები, ვინც დღეს შიმშილის ზღვარზე არიან. სამწუხაროდ, ხელისუფლებამ არცერთი ნაბიჯი არ გადადგა იმისათვის, რომ ეს ადამიანები გაუმკლავდნენ, თუნდაც შიმშილს. ეს უნდა იყოს ხელისუფების მთავარი საზრუნავი და არა ეს პოპულისტური განცხადებები და გაუგონარი სარგებლობა, თუნდაც ამ პანდემიით“, - განაცხადა ირმა ნადირაშვილმა.
იხილეთ ვიდეო:პარლამენტის თავმჯდომარის განცხადება სიცრუე და უპასუხისმგებლოა - ოპოზიცია