გუდაურში მოკლულის ოჯახის ადვოკატი - კონფლიქტის დასრულების შემდეგ ერთადერთი მოძალადე მერაბ კობიაშვილი იყო - მან შურისძიების მოტივით 5 გასროლა განახორციელა

მერაბ კობიაშვილი აუცილებელ მოგერიებაში არ იმყოფებოდა, რადგან კონფლიქტი დამთავრებული იყო, როცა მიზანმიმართულად, შურისძიების მოტივით 5 გასროლა განახორციელა, - ამის შესახებ "ინტერპრესნიუსს" გუდაურში მოკლული თაზო გორთამაშვილის ოჯახის ადვოკატმა, ლაშა ტყეშელაძემ განუცხადა. როგორც ტყეშელაძე განმარტავს, ამ საქმეში მნიშვნელოვანია კითხვა-თუკი, ბრალდებული კობიაშვილი ჩხუბში მონაწილე პირებისგან საფრთხეს გრძნობდა, რატომ არ შეატყობინა სამართალდამცავებს, როცა იარაღის ასაღებად წავიდა.

"მერაბ კობიაშვილს თაზო გორთამაშვილი კონფლიქტიდან რამდენჯერმე განარიდეს, მაგრამ კობიაშვილი ისევ ბრუნდება და ცდილობს კონფლუქტი ისევ თავიდან გამოიწვიოს. როცა კონფლიქტი სრულდება, კობიაშვილი სასტუმროს მისამართით გადაადგილდება, მას არავინ მისდევს და არავინ ანხორციელებს მასზე ძალადობას. ის იარაღს იღებს, სასტუმროში ხალხს ესალმება და თუკი, ის საშიშროებას გრძნობდა, რატომ არ დარეკა საპატრულო პოლიციაში, ეს არის კითხვა, რომელიც განზრახვას განსაზღვრას. მას შეეძლო სასტუმროს გავლით უკან დაბრუნება, მაგრამ ის გრძელი გზით წავიდა, რომ აღნიშნულ პიროვნებებს შეხვედროდა და შურისძიების მოტივით გასროლა განეხორციელებინა. როცა კობიაშვილმა თავი შეურაცხყოფილად იგრძნო, განიზრახა, რომ იარაღი აეღო, დამთავრებულ კონფლიქტზე იღებს იარაღს, მას შურისძიება გააჩნია. ის სახლის მიმართულებით წასვლის ნაცვლად, სხვა მიმართულებით მიდის. კონფლიქტის დასრულების შემდეგ ერთადერთი მოძალადე მერაბ კობიაშვილი იყო, რომელსაც ხელში იარაღი ეჭირა. იქით მხარეს არის გარდაცვლილი თაზო გორთამაშვილი და დაზარალებული დავით სეთურიძე, რომელიც კონფლიქტში საერთოდ არ მონაწილეობდა", - აცხადებს ტყეშელაძე.

ცნობისთვის, 16 თებერვალს, გუდაურში ახალგაზრდა მამაკაცი მოკლეს, ერთი კი დაჭრეს. აღნიშნულთან დაკავშირებით, სამართალდამცავებმა მერაბ კობიაშვილი დააკავეს. კობიაშვილს თავდაპირველად ბრალი მკვლელობისა და მკვლელობის მცდელობისთვის წაუყენეს, შემდეგ კი ცემის მუხლით. ამასთან, პროკურატურამ მერაბ კობიაშვილის მიმართ ჯგუფურად განხორციელებული ძალადობის ფაქტზე ბრალი 6 პირს წარუდგინა და მათი საქმე ცალკე წარმოებად გამოიყო.

ზაზა ფირალიშვილი - სამწუხაროდ, ჩვენი პოლიტიკური სპექტრი და უბრალო ადამიანები განსხვავებულ სამყაროებში ცხოვრობენ, ვფიქრობ, ეს არის სერიოზული პოლიტიკური, უფრო მეტიც, საზოგადოებრივი კრიზისის ნიშანი
ქართული პრესის მიმოხილვა 14.06.2021
კარლ ჰარცელი - მჯერა, რომ 19 აპრილის შეთანხმებით, სულ მცირე, კრიზისის ეს თავი დაიხურა - საბოლოო ჯამში, ეს ახალი ეპოქის დასაწყისია
ლექსუს თბილისი  ევროპის 300 დილერს შორის საუკეთესო ათეულში მოხვდა და უკვე ზედიზედ მეორედ  მიიღო კლიენტთა გამორჩეული მომსახურებისთვის დაწესებული LEXUS KIWAMI-ის უმნიშვნელოვანესი ჯილდო
PSP და MASTERCARD განსაკუთრებული შეთავაზებით სარგებლობას მომხმარებელი უკვე დღეიდან შეძლებს
მნიშვნელოვანი წვლილი ქართული ეკონომიკის განვითარებაში: „კარფური“ 10 უმსხვილეს ინვესტორს შორის