მეუფე პეტრე არ განიკვეთება. მეუფე პეტრემ ლოცვა-კურთხევაც მიიღო სინანულისა, რომ ის განწესებულ იქნეს მონასტერში და ჰქონდეს მას სინანული - ასე უპასუხა თიანეთისა და ფშავ-ხევსურეთის ეპისკოპოსმა, მეუფე მიქაელ გაბრიჭიძემ ჟურნალისტების კითხვას, დაუჭერს თუ არა მხარს მეუფე პეტრეს ეკლესიიდან განკვეთას, თუკი ეს საკითხი წმინდა სინოდზე დადგება. მეუფე მიქაელის განცხადებით, თუ ეკლესია დაინახავს, რომ მეუფე პეტრე სინანულშია, მისი განკვეთის საკითხი დღისწესრიგში არ დადგება.
„თუ დაინახავს ეკლესია, პატრიარქი და მღვდელმთავრები, რომ სინანულშია მეუფე, სტკივა, აწუხებს და გრძნობს შეცდომას, რატომ უნდა განიკვეთოს?! თუ მაგალითად, პირიქით გაგრძელდება, მხოლოდ და მხოლოდ განკითხვა და არ იქნება სინანული მერე, ალბათ, რასაკვირველია, დადგება ნელნე-ნელა ეგ საკითხიც", - განაცხადა მეუფე მიქაელმა.
შეგახსენებთ, მეუფე პეტრე მღვდელმთავრობიდან წმინდა სინოდმა გადააყენა. აღნიშნულის მიზეზი მეუფე პეტრეს მიერ გაკეთებული განცხადებები გახდა. მის ნაცვლად კი ჭყონდიდის ეპარქიაში გრიგოლ კაცია დაინიშნა.