ლევან დავითაშვილი 2-სართულიანი საკონფერენციო დარბაზის მშენებლობისთვის გამოცხადებული ტენდერის საჭიროებაზე განმარტებას აკეთებს

იმ შემთხვევაში, თუ სამინისტროს საკუთარ ტერიტორიაზე საკუთარი სივრცე ექნებოდა, წლების განმავლობაში ეს მნიშვნელოვანი საბიუჯეტო სახსრების დაზოგვის საშუალება იქნებოდა, - ასე პასუხობს გარემოს დაცვისა და სოფლის მეურნეობის მინისტრი ლევან დავითაშვილი 2 სართულიანი საკონფერენციო დარბაზის მშენებლობისთვის გამოცხადებული ტენდერის საჭიროების შესახებ დასმულ კითხვას. როგორც მინისტრი ამბობს, მსგავსი სივრცე უწყებას სხვადასხვა თემატიკაზე საჯარო შეხვედრების ორგანიზებისთვის სჭირდება, რაშიც ახლა სამინისტროს საბიუჯეტო თანხების ხარჯვა უწევს. მინისტრი მიინჩევს, რომ მსგავსი სივრცის არსებობა ამ თანხებს დაზოგავს.

„ეს პროექტი არ არის დღევანდელი დღის თემა, არც - დღევანდელი გადაწყვეტილება. ეს არის რამდენიმე წლის წინ მიღებული გადაწყვეტილება, რომელსაც სამინისტრო ახორციელებს. რაც შეეხება იმას, თუ რატომ დადგა საჭიროება ამ პერიოდში, არაფერი შეცვლილა, ასეთი სივრცის საჭიროება სამინისტროს გააჩნია, სამინისტროს უწევს უამრავი თანხის, საბიუჯეტო თანხების გადახდა, რომელიც, სამწუხაროდ, ხშირ შემთხვევაში, ნახევარ მილიონ ლარს აღემატება, ზუსტად ფერმერებისთვის, ან ჩვენი სხვადასხვა აუდიტორიისთვის. იცით, რომ სამინისტრო არ არის მხოლოდ სოფლის მეურნეობაზე პასუხისმგებელი მათ შორის ძალიან ბევრი გარემოდაცვითი თემატიკაა, როცა ჩვენ გვწევს ტრეინგისა და კონფერენციის ჩატარება მოსახლეობისთვის, რომ მათ შესაბამისი ინფორმაცია მივაწოდოთ. ასევე იმისთვის, რომ სწორად აღვსრულოთ ვალდებულებები გარემოსდაცვითი პოლიტიკის ნაილში საჯარო შეხვედრები ჩავატაროთ და ა.შ. ეს არის ჩვეულებრივი საოპერაციო საჭროება, რომელიც სამინისტროს გააჩნია და იმ შემთხვევაში, თუ სამინისტროს საკუთარი სივრცე ექნებოდა, ეს საბიუჯეტო სახსრებს წლების განმავლობაში მნიშვნელოვნად დაზოგავდა,“ - განაცხადა ლევან დავითაშვილმა.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა
"ალდაგში" ავტოდაზღვევის კამპანია დაიწყო - დააზღვიე და მზად ხარ!
კახა ოქრიაშვილი ე.წ. ჩრდილოვან კაბინეტთან დაკავშირებით პოზიციას ავრცელებს
ელემენტ კონსტრაქშენი ISO 9001:2015-ის მფლობელი გახდა
პორშეს ახალი, უნიკალური ელექტრომობილი Taycan Cross Turismo საქართველოშია