თეონა ჭალიძე - სოციალური მომსახურების სააგენტო ყველაფერს აკეთებს იმისთვის, რომ სოციალურად დაუცველებს, სხვადასხვა მიზეზის გამო, დახმარება შეუწყვიტონ

რაც კოვიდ ვირუსის გამო ქვეყანაში საგანგებო მდგომარეობა ამოქმედდა, შექმნილმა ზოგადმა ვითარებამ სოციალურად დაუცველთათვის კიდევ უფრო მეტად დაამძიმა მდგომარეობა. ცხადი გახდა, ის რომ სოციალური მომსახურების სააგენტო, ფაქტობრივად უმოქმედოა, ისინი ქაოსურად მუშაობენ და ეს ყველაფერი პირადად გიორგი წოწკოლაურის დამსახურებაა, - ამის შესახებ „ახალი საქართველოს" სოციალური მიმართულების ხელმძღვანელმა თეონა ჭალიძემ განაცხადა.

მისი თქმით, სოციალური მომსახურების სააგენტო ყველაფერს აკეთებს იმისთვის, რომ სოციალურად დაუცველებს, სხვადასხვა მიზეზის გამო, დახმარება შეუწყვიტონ.

„რაც კოვიდ ვირუსის გამო ქვეყანაში საგანგებო მდგომარეობა ამოქმედდა, შექმნილმა ზოგადმა ვითარებამ სოციალურად დაუცველთათვის კიდევ უფრო მეტად დაამძიმა მდგომარეობა. ცხადი გახდა, რომ სოციალური მომსახურების სააგენტო, ფაქტობრივად, უმოქმედოა, ისინი მუშაობენ ქაოსურად და ეს ყველაფერი პირადად გიორგი წოწკოლაურის დამსახურებაა, რომელიც სოციალური მომსახურების სააგენტოს ხელმძღვანელობს. ამ მომენტისათვის ასობით და ათასობით ადამიანია საარსებო შემწეობის გარეშე დარჩენილი და ეს ადამიანები შიმშილობენ. თვე-ნახევრის მანძილზე 3 000-ზე მეტ ადამიანს პირადად ვესაუბრე და ეს სრულიად საკმარისია იმისთვის, რომ შექმნილიყო კიდევ უფრო მეტად ნათელი სურათი იმისა, თუ რა ვითარებაა ამ ეტაპზე სოციალური მომსახურების სააგენტოში და როგორ მუშაობენ ისინი. ეს უწყება არ არის ორიენტირებული მოქალაქეებზე, არამედ პირიქით ყველაფერს აკეთებს, რომ ის შემწეობა, რომელსაც ეს ადამიანები იღებენ, სხვადასხვა მიზეზით შეუწყვიტონ. სოციალური მომსახურების სააგენტო არ ურთიერთობს მოქალაქეებთან და არ ახდენს მათ სათანადო ინფორმირებას.

გარდა ამისა, სააგენტოში მომუშავე პირები ყოველგვარი ყურადღების გარეშე არიან დარჩენილები. სოციალურ აგენტებს აპრილის თვეში ხელფასის სახით დაერიცხათ მხოლოდ 80 ლარი და მას შემდეგ, რაც „ახალი საქართველოს" სოციალურმა სამსახურმა გააკეთა განცხადებები, მათ დამატებით ჩაურიცხეს ორმაგი ანუ 160 და ზოგს 120 ლარი, რაც ასევე შეურაცხმყოფელია, რადგან სოციალური აგენტების მუშაობა არის ფასდაუდებელი. ის, რომ მოქალაქეების მხრიდან აგენტების მიმართ არის ნეგატიური განწყობები, სწორედ სოციალური მომსახურების სააგენტოს დამსახურებაა იმიტომ, რომ საკმარისი ინფორმაცია არ მიეწოდებათ, თუ რამხელა შრომას სწევენ ეს ადამიანები, რა შედის მათ კომპეტენციაში და რა - არა.

ბევრი ხარვეზია, როგორც მოქალაქეების ოჯახების სოციალურ - ეკონომიკური შეფასების ნაწილში, ასევე იმ ინსტრუქციაში, რომლითაც მოქმედებენ სოციალური აგენტები. დღესდღეობით არაერთი მოქალაქეა ე. წ. კონტროლზე აყვანილი და მათთან აგენტები მისვლას ვერ ახერხებენ, რადგან საზოგადოებრივი ტრანსპორტი არ ფუნქციონირებს, ხოლო მათ გადაადგილებაზე სააგენტო არ ზრუნავს. სწორედ ამიტომ ვფიქრობ, რომ სოციალური სააგენტოს ხელმძღვანელმა გიორგი წოწკოლაურმა უნდა დატოვოს დაკავებული პოზიცია. ეს იქნება პოლიტიკური პასუხისმგებლობა და პოლიტიკური გადასახადი იმისა, რომ ამდენი ადამიანი საარსებო შემწეობის გარეშეა დარჩენილი. გიორგი წოწკოლაურის უპასუხისმგებლობის ბრალია ის, რომ დღესდღეობით სოციალური მომსახურების სააგენტო არის ჩამოშლილი და ასობით ადამიანი ელოდება საარსებო შემწეობას. ათასობით განაცხადია ოჯახების მხრიდან მას შემდეგ, რაც კიდევ უფრო მეტად დამძიმდა ქყვეყანაში მდგომარეობა და ამ განცხადებებზე რეაგირება ჯერაც არ მომხდარა. იმედი მაქვს, რომ სამომავლოდ სოციალური მომსახურების სააგენტო ბევრად უფრო მორგებული იქნება მოქალაქეების ინტერესებზე, თუმცა ეს მანამ არ იქნება შესაძლებელი, სანამ იქ იმუშავებენ ისეთი პირები, რომლებსაც გიორგი წოწკოლაური ხელმძღვანელობს,"-განაცხადა თეონა ჭალიძემ.

აღნიშნულ კომენტარს „ახალი საქართველოს“ პრესსამსახური ავრცელებს.

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
უსაფრთხოებაზე გამავალი ერთობა: მოსაზრებები, შესაძლებლობები, შეთავაზებები
სილქფესტი ფასდაკლებების კვირეულს ხუთი ყველაზე მოთხოვნადი შეთავაზებით უერთდება
Wolt-ის ლურჯი პარასკევი დაიწყო
ახალი Economy და Isolated კატეგორიები Bolt-ის აპლიკაციაში
ექსპოჯორჯია აგრო ექსპორტის ფორუმს ონლაინ, B2B ფორმატში გამართავს
„9 შავი პარასკევი“ ექსტრაზე Mastercard-ისგან