კახა კალაძე - არ დაუჯეროთ იმ ადამიანებს, ვისაც არ უხარია ქალაქის განვითარება

ეს არის პროექტი, რომელმაც ათეულ წლებს უნდა გაუძლოს; ნამდვილად მეამაყება და მიხარია, რომ ჩვენ მოვახერხეთ და შევძელით მისი განხორციელება, - ამის შესახებ თბილისის მერმა კახა კალაძემ ჭავჭავაძის გამზირზე სარეაბილიტაციო სამუშაოების დათვალიერების შემდეგ ვიდეოლაივისას განაცხადა.

კალაძემ მოსახლეობას მიმართა, რომ არ დაუჯერონ იმ ადამიანებს, ვისაც არ უხარია ქალაქის განვითარება, წინსვლა და ქვეყნის წარმატება.

„გამზირის რეაბილიტაცია ძალიან მალე, მთლიანად იქნება დამთავრებული. შეიძლება ითქვას, ეს ისტორიული პროექტია იმ თვალსაზრისით, რომ მიწისქვეშა კომუნიკაციები გამზირზე რაც კი გაკეთდა, მას შემდეგ არ შეცვლილა. იყო კონკრეტულ ლოკაციებზე შეკეთების სამუშაოები, მაგრამ ამ მასშტაბის სამუშაოები არ ჩატარებულა. ეს არის პროექტი, რომელმაც ათეულ წლებს უნდა გაუძლოს. ნამდვილად მეამაყება და მიხარია, რომ ჩვენ მოვახერხეთ და შევძელით მისი განხორციელება. მოსახლეობას მინდა მხარდაჭერისთვის და თანადგომისთვის მადლობა გადავუხადო, რადგან მარტივი არ არის ხმაურში, მტვერში ცხოვრება, მაგრამ ადამიანები კარგად ხედავენ, რა მასშტაბის სამუშაოები მიმდინარეობდა ამ ხნის განმავლობაში. ეს არის ჩვენი მიდგომა და დამოკიდებულება, ყველგან ერთნაირი მიდგომა გვაქვს, არა აქვს მნიშვნელობა ეს ქალაქის ცენტრალურ ქუჩაზე იქნება თუ გარეუბანში, ვცდილობთ ძირეულად იყოს წარმოებული სამუშაოები, რაც შესაცვლელია, ყველაფრის განახლებით, რომ გაკეთების შემდეგ 2-3 კვირაში არ მოგვიწიოს კონკრეტულ ლოკაციაზე მიბრუნება.

არ დაუჯეროთ იმ ადამიანებს, ვისაც არ უხარია ქალაქის განვითარება, ქალაქის წინსვლა. არ დაუჯეროთ იმ ადამიანებს, ვისაც არ უხარია ქვეყნის წარმატება. მიუხედავად მათი სიცრუისა, არ მივცემთ შესაძლებლობას ადამიანებს, რომ საზოგადოება შეცდომაში შეიყვანონ. ჩვენ ვართ ძალიან აქტიურები და ასე ვაპირებთ გაგრძელებას მომავალში, რომ პირველ რიგში თქვენ იცოდეთ ქალაქში რა პროექტები ხორციელდება, რომელ პროექტს რა პრობლემა აქვს და ა.შ.“, - განაცხადა კალაძემ.

ალექსანდრე თვალჭრელიძე - თუ დაინიშნა რიგგარეშე საპარლამენტო არჩევნები, რისი ალბათობა რეალურია, 2024 წლის საპარლამენტო არჩევნების შედეგად ვერც ერთი პარტია გადამწყვეტ უმრავლესობას ვერ მოიპოვებს
ქართული პრესის მიმოხილვა 18.06.2021
ვიქტორ ყიფიანი - მოსკოვს ჰიბრიდულ-რევიზიონისტული საგარეო კურსის შესანარჩუნებლად სჭირდება ჟენევის მსგავსი ფორმატები, ძველი ან ახალი „წითელი ხაზების“ მონიშვნით საკუთარი და სხვისი ძალების მოსინჯვა
შვეიცარული პრემიუმ ბრენდი HORMETA უკვე ხელმისაწვდომია საქართველოში, ექსკლუზიურად PSP-ში
ვაშლის და საზამთრო-ნესვის არომატი – "სნო" ზაფხულს წყლის ახალი არომატებით იწყებს (R)
მოგზაურობა ძველ თბილისში და კულინარიული სამოთხე გურმანებისთვის - თბილისში უნიკალური სივრცე „ბაზარი“ გაიხსნა
ბინა განვადებით ლარში - „თეთრი კვადრატის“ ექსკლუზიური შეთავაზება უძრავი ქონების ბაზარზე