თენგიზ ცერცვაძე განმარტავს, რა შემთხვევაში გამოიყენება პლაზმა კორონავირუსით ინფიცირებულ პაციენტებში

თბილისის ინფექციური საავადმყოფოს გენერალური დირექტორის თენგიზ ცერცვაძის განმარტებით, კორონავირუსის სისხლის პლაზმით მკურნალობის მეთოდი სხვა კლინიკებშიც დაინერგება, თუმცა ის ფართოდ ვერ გამოიყენება, რადგან საშუალოდ 20 გასინჯული დონორიდან შეიძლება, ერთის სისხლი გამოდგეს სხვა პაციენტის სამკურნალოდ. ამის შესახებ მან „პალიტრანიუსის“ გადაცემაში „საღამოს ნიუსრუმი“ განაცხადა.

„დიახ, რა თქმა უნდა, ქვეყნის მასშტაბით დავნერგავთ, მაგრამ სულ ვიმეორებდი, რომ ეს ვერ ჩაითვლება ფართო გამოყენების მეთოდად იმ უბრალო მიზეზის გამო, რომ ძალიან შეზღუდულია იმ დონორების, გამოჯანმრთელებული პაციენტების რიცხვი, რომელთა სისხლშიც დამცავი მანეიტრალიზებელი ანტისხეულებია საკმაოდ მაღალი ტიტრით, ეს აუცილებელი პირობაა. ჩვენ ამჟამად გატესტვის რეჟიმში გვყავს გამოჯანმრთელებული პაციენტები, მათ შორის არა მარტო ჩვენს კლინიკაში, არამედ სხვა კლინიკებშიც. ამ შემთხვევაში, სამწუხაროდ, ძალიან ცოტას აქვს მანეიტრალიზებელი ანტისხეულები საკმარისი ტიტრით. საშუალოდ რომ ვთქვათ, 20 გასინჯული დონორიდან შეიძლება ერთის სისხლის გამოდგეს სხვა პაციენტის სამკურნალოდ, თან ერთის პლაზმა კიდევ უნდა შემოწმდეს, ხომ არ აქვს მას სხვა ვირუსი ან დაავადება“, - განაცხადა ცერცვაძემ.

მისი განმარტებით, საქართველო ამ მეთოდს შეინახავს სარეზერვოდ იმ პაციენტებში, სადაც მკურნალობის სხვა მეთოდი ეფექტიანი არ იქნება.

„მთელ მსოფლიოში ვერსად ნახავთ, რომ ამ მეთოდს მასიურად იყენებენ, როგორც მაგალითად მედიკამენტს. ყველგან არის გადასხმის ერთეული შემთხვევები. ჩვენ ამ მეთოდს შევინახავთ სარეზერვოდ იმ პაციენტებში, სადაც მკურნალობის სხვა მეთოდი ეფექტიანი არ იქნება. განსაკუთრებით მძიმე და კრიტიკული პაციენტებისთვის, როგორც ეს ახლა გავაკეთეთ. პაციენტი, ვისაც პლაზმით გადავუსხით, 83 წლის ქალბატონი იყო, ძალიან მძიმე მდგომარეობაში, სადაც სხვა სახის მკურნალობა შედეგს არ იძლეოდა. პაციენტის მდგომარეობა გაუმჯობესებულია, გადაიარა ყველაზე კრიტიკულმა ფაზამ, მაგრამ ჯერჯერობით ის მაინც რჩება რეანიმაციაში და ჯერ საბოლოო პროგნოზს მაინც ვერ ვაკეთებთ“,-განაცხადა ცერცვაძემ.

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
კოვიდ-19 პანდემიის ფონზე თანამედროვე საერთაშორისო სამოქალაქო ავიაციის სამართლებრივი პრობლემები და პერსპექტივები
ახალი Economy და Isolated კატეგორიები Bolt-ის აპლიკაციაში
ექსპოჯორჯია აგრო ექსპორტის ფორუმს ონლაინ, B2B ფორმატში გამართავს
„9 შავი პარასკევი“ ექსტრაზე Mastercard-ისგან
კრედო ბანკმა ევროპის განვითარების წამყვანი ფინანსური ინსტიტუტის - PROPARCO-სგან 5 მილიონი დოლარის ფინანსური რესურსი მოიზიდა
ლიბერთის აქცია #გულით პედაგოგებისთვის გრძელდება
„ვისოლის“ თვითმომსახურების სადგურზე „სმარტის“ სუპერმარკეტი და „დანკინის” ევროპაში პირველი Drive-Thru რესტორანი გაიხსნა
ათეა გენდერული ძალადობის წინააღმდეგ 16-დღიან გლობალურ კამპანიას უერთდება