მარინა ეზუგბაიას განცხადებით, მათ კლინიკაში კორონავირუსისგან 6 მოზარდი გამოჯანმრთელდა

ინფექციური საავადმყოფოს სამედიცინო დირექტორის, მარინა ეზუგბაიას განცხადებით, გუშინ მათ კლინიკაში ექვსი პირი გამოჯანმრთელდა და ყველა მათგანი მოზარდია.

მისივე თქმით, რვა ახალი დადასტურებული შემთხვევიდან ინფექციურ საავადმყოფოს ორი პაციენტი დაემატა და საერთო ჯამში, კლინიკას 33 კოვიდინფიცირებული პაციენტი ჰყავს.

„რაც შეეხება რვა ახალ პაციენტს, ოთხი მათგანი არის საკარანტინო სივრციდან, რომელიც 11 მაისს დადასტურებულ შემთხვევასთან კონტაქტია. დანარჩენი ოთხი კი ასე ნაწილდება: ორი არის საკარანტინო სივრციდან კონტაქტები, ერთი არის ბოლნისიდან და ერთი თეთრიწყაროდან. ჩვენთან ამ ეტაპზე მკურნალობს 34 პაციენტი და აქედან, 33 არის დადასტურებული შემთხვევა, ერთი კი შესაძლო შემთხვევაა, რომელსაც გამოკვლევას ვუტარებთ. ამ ახალი რვა დადასტურებული შემთხვევიდან ინფექციურ საავადმყოფოში ორი პაციენტი შემოიყვანეს. გუშინ ჩვენთან გამოჯანმრთელდა და გაეწერა ექვსი პაციენტი. საინტერესო არის ის, რომ ექვსი ახალი გამოჯანმრთელებულიდან ყველა მოზარდია და მათ კლინიკა დამაკმაყოფილებელ მდგომარეობაში დატოვეს. ამ ეტაპზე ერთი არასრულწლოვანი დაგვრჩა, რომელიც ჩვენთან მკურნალობს“,-განაცხადა მარიან ეზუგბაიამ.

მისივე თქმით, ერთი კრიტიკული პაციენტის მდგომარეობა, მესამე დღეა დასტაბილურებულია.

„რაც შეეხება ჩვენს კრიტიკულ პაციენტს, მისი მდგომარეობა მესამე დღეა დასტაბილურებულია, თუმცა ჯერჯერობით მაინც, მისი მდგომარეობის პროგნოზირება შეუძლებელია. ერთი-ორი დღეც თუ მდგომარეობა ასეთი სტაბილური იქნება, მაშინ შეიძლება ვილაპარაკოთ კარგ პროგნოზზე, მაგრამ ჯერ ამაზე ლაპარაკი ნაადრევია. სამი მძიმე პაციენტი, რომელივ გვყავდა, მათი მდგომარეობა უკვე გაუმჯობესებულია და ამ ეტაპზე საშუალო სიმძიმის პაციენტებად მოიაზრებიან. უმეტესად, ამ ეტაპზე, ჩვენთან საშუალო სიმძიმის პაციენტები მკურნალობენ“,-აღნიშნა ეზუგბაიამ.

ამირან სალუქვაძე - პოლიტიკური კულტურის ამაღლების გარეშე დავდგებით კოალიციების საჭიროების წინაშე, რაც ქვეყანას პერმანენტულ ქაოსურ პროცესებში გადაიყვანს
ქართული პრესის მიმოხილვა 25.06.2021
სტეპან გრიგორიანი - ფაშინიანმა არჩევნები იმის გამო მოიგო, რომ სომეხმა ხალხმა ყარაბაღის ომში დამარცხება მას არ დაუკავშირა
საპენსიო სააგენტოს დირექტორის მოადგილე ანა კეკელიძე - საპენსიო სააგენტოს ამოცანას წარმოადგენს საერთაშორისო სტანდარტების შესაბამისი მომსახურების დანერგვა
"ლიბერთი ბანკი" სპეციალურ განცხადებას ავრცელებს
აჭარის ავტონომიური რესპუბლიკის ფინანსთა და ეკონომიკის მინისტრი და "ტოიოტა კავკასიის" პრეზიდენტი "ტოიოტა ცენტრ ბათუმს" ესტუმრნენ
Hotsale.ge-ის აქცია - დამატებით 20%-მდე დანაზოგი ტექნიკასა და სასტუმროებზე „კრედო  ბანკის“ განვადებით სარგებლობისას
ქობულეთში შატოს ტიპის ახალი კომპლექსი „შატო კვირიკე“ გაიხსნა
„მაკდონალდსის“ ინვესტიციით საქართველოში პურ-ფუნთუშეულის საწარმო „ბრედფილდი“ იხსნება