ჩვენ არ უნდა მივცეთ ხელისუფლებას საშუალება, რომ გამოიწვიოს ოპოზიციური პარტიები რადიკალურ ნაბიჯებზე და ამ საბაბით ჩაშალოს ის შეთანხმება, რომელიც იქნა მიღწეული ამდენი ძალისხმევისა და ჩვენი უცხოელი მეგობრების დიდი ჩართულობის შედეგად, - ამის შესახებ პოლიტიკური გაერთიანება „ლელო საქართველოსთვის“ ერთ-ერთმა ლიდერმა ბადრი ჯაფარიძემ განაცხადა.
მისივე თქმით, უკიდურესად მნიშვნელოვანია, რომ ორივე შეთანხმება იყოს შესრულებული.
„ჩვენ დღეს ვიკრიბებით იმისათვის, რომ ორივე შეთანხმება უნდა იყოს შესრულებული ხელისუფლების მიერ. იგულისხმება საკონსტიტუციო ცვლილებების მიღება და ასევე, პოლიტიკური ლიდერების გათავისუფლება საპატიმროდან. ორივე შეთანხმება უკიდურესად მნიშვნელოვანია, რომ იყოს შესრულებული, სხვა შემთხვევაში ჩვენ არ გვექნება მშვიდი პოლიტიკური, საარჩევნო გარემო. ჩვენ არ უნდა მივცეთ ხელისუფლებას საშუალება, რომ გამოიწვიოს ოპოზიციური პარტიები რადიკალურ ნაბიჯებზე და ამ საბაბით ჩაშალოს ის შეთანხმება, რომელიც იქნა მიღწეული ამდენი ძალისხმევისა და ჩვენი უცხოელი მეგობრების დიდი ჩართულობის შედეგად,“ - აღნიშნა ბადრი ჯაფარიძემ.