ეკა ბესელია - ცვლილებაზე, რომლითაც საარჩევნო სისტემაც უნდა შეიცვალოს, არჩევნებს აზრი უნდა მიეცეს და უკანონო პატიმრებსაც უნდა ეშველოთ,  საჭიროა ხმის მიცემა

დამოუკიდებელი დეპუტატის ეკა ბესელიას განცხადებით, ოპოზიციამ მმართველ პარტიას არ უნდა მისცეს პირობის უკან წაღებისა და ამგვარად კონსტიტუციური კანონპროექტის ჩავარდნის შესაძლებლობა. ამასთანავე, ეკა ბესელიას თქმით, ყველა თანხმდება იმაზე, რომ ხელისუფლებასთან მიღწეული შეთანხმების ორივე პირობა უნდა შესრულდეს. თუმცა, ამავდროულად, დამოუკიდებელმა დეპუტატმა აღნიშნა, რომ პოზიციები ჯერ არ შეთანხმებულა, მისცემს თუ არა დეპუტატთა ოპოზიციური ნაწილი კანონპროექტს ხმას, იმ შემთხვევაში, თუ საკონსტიტუციო ცვლილებების კენჭისყრაზე გატანის მომენტისთვის, ხელისუფლებას პოლიტპატიმრების გათავისუფლების ნაწილი შესრულებული არ ექნება.

„გვაქვს გეგმაში, რომ იყოს ერთიანი განცხადება მიღებული. დღეს უბრალოდ საჭირო იქნება კონსულტაცია ამ დოკუმენტის ირგვლივ, რომ შევაჯეროთ პოზიცია. 8 მარტის შეთანხმების ორივე ნაწილი, როგორც საარჩევნო სისტემის ნაწილი, ასევე იმ ადამიანების გათავისუფლების ნაწილი, ვინც წინასაარჩევნო პროცესში უნდა იყვნენ ჩართულები, განსაკუთრებით ოპოზიციის ლიდერები და ამ დროს არიან სისხლის სამართლებრივი დევნის ქვეშ, არის ხელშეკრულების ნაწილი და მის შესრულებას ითხოვს ყველა, აქ არის ერთიანი პოზიცია. უნდა მივცეთ თუ არა ხმა კანონპროექტს, იმ შემთხვევაში თუ კენჭისყრაზე დადგება კონსტიტუციური ცვლილებების საკითხი და არ იქნება ამ შეთანხმების მეორე ნაწილი შესრულებული- ეს არის საკითხი, რომელზეც იქნება პოზიციები შესაჯერებელი. მე მგონია, რომ არ უნდა მივცეთ ჩვენ მმართველ პარტიას არანაირიად იმის შანსი, რომ ეს პირობა უკან წაიღოს და ჩავარდეს კონსტიტუციური კანონპროექტი. მას ხმები არ ყოფნის დამოუკიდებლად ანუ საკონსტიტუციო უმრავლესობა არ ჰყავს, სჭირდება დამატებით ოპოზიციის ხმები, მე ამიტომ მგონია, რომ ამ ცვლილებას, რომლითაც საარჩევნო სისტემაც უნდა შეიცვალოს, არჩევნებს აზრი უნდა მიეცეს და უკანონო პატიმრებსაც უნდა ეშველოთ, ამისთვის საჭიროა ხმის მიცემა. ეს არის ჩემი პირადი პოზიცია, ვეცდები, რომ ეს პოზიცია დავასაბუთო,“- განაცხადა ეკა ბესელიამ.

ეკატერინე ციმაკურიძე - განსაკუთრებული პრობლემაა ხელისუფლების მცდელობები თავი აარიდოს 19 აპრილის შეთანხმების ისე შესრულებას, როგორც ეს თავად ამ შეთანხმებითაა ნაგულისხმევი
ქართული პრესის მიმოხილვა 25.06.2021
სტეპან გრიგორიანი - ფაშინიანმა არჩევნები იმის გამო მოიგო, რომ სომეხმა ხალხმა ყარაბაღის ომში დამარცხება მას არ დაუკავშირა
საპენსიო სააგენტოს დირექტორის მოადგილე ანა კეკელიძე - საპენსიო სააგენტოს ამოცანას წარმოადგენს საერთაშორისო სტანდარტების შესაბამისი მომსახურების დანერგვა
"ლიბერთი ბანკი" სპეციალურ განცხადებას ავრცელებს
აჭარის ავტონომიური რესპუბლიკის ფინანსთა და ეკონომიკის მინისტრი და "ტოიოტა კავკასიის" პრეზიდენტი "ტოიოტა ცენტრ ბათუმს" ესტუმრნენ
Hotsale.ge-ის აქცია - დამატებით 20%-მდე დანაზოგი ტექნიკასა და სასტუმროებზე „კრედო  ბანკის“ განვადებით სარგებლობისას
ქობულეთში შატოს ტიპის ახალი კომპლექსი „შატო კვირიკე“ გაიხსნა
„მაკდონალდსის“ ინვესტიციით საქართველოში პურ-ფუნთუშეულის საწარმო „ბრედფილდი“ იხსნება
ჭარბი წონა მსოფლიოში არა მხოლოდ პრობლემა,  დიდი ხანია, პანდემიაა (R)
"თბილისის ბალნეოლოგიურ კურორტში“ კონფერენცია „კურორტოლოგიის როლი მედიცინაში“ გაიმართა