ტრანსპორტის სფეროში მომუშავე არასამთავრობო ორგანიზაციების ნაწილი  მთავრობას მიმართავს

ტრანსპორტის სფეროში მომუშავე არასამთავრობო ორგანიზაციების ნაწილი საქართველოს მთავრობას მიმართავს და საზოგადოებრივი ტრანსპორტის აღდგენის კონკრეტული თარიღის, მგზავრობის დროს მგზავრთა თუ მძღოლთა მიერ გასათვალისწინებელი წესების გეგმის წარდგენას სთხოვს. როგორც არასამთავრობო ორგანიზაციების განცხადებაშია აღნიშნული, მუნიციპალიტეტები, კერძო სატრანსპორტო კომპანიები თუ ცალკეული მძღოლები უნდა მოემზადონ და სათანადოდ მოახერხონ ახალ გარემო-პირობებში მუშაობის უსაფრთხოდ გაგრძელება.

„მსოფლიოში და მათ შორის საქართველოში გავრცელებული კორონავირუსის გამო შექმნილი სარისკო გარემოებებიდან გამომდინარე ქვეყანაში ეტაპობრივად შეჩერდა საქალაქო და საქალაქთაშორისო ტრანსპორტის გადაადგილება ბოლო თვენახევრის განმავლობაში. გასაჯაროვებული სამთავრობო გეგმის მიხედვით უკვე გაიხსნა სხვადასხვა სავაჭრო ობიექტი, ხოლო მომდევნო კვირების განმავლობაში ფუნქციონირებას იწყებს არაერთი დაწესებულება, რაც ბუნებრივად გაზრდის მოქალაქეების ტრანსპორტირების საჭიროებას. აღსანიშნავია,რომ ამ დროისთვის ბუნდოვანია საქალაქო თუ საქალაქთაშორისო ტრანსპორტის ამოქმედების ვადები და ტრანსპორტში covid-19-ის პირობებში ქცევის შესაბამისი წესები თუ ადმინისტრირების მექანიზმი. არაერთ ევროპულ ქვეყანას, რომელსაც საქართველოზე რთული ეპიდ-ვითარება ჰქონდა არ გაუჩერებია საზოგადოებრივი ტრანსპორტის მუშაობა, თუმცა მკაცრად იყო დაცული ჰიგიენის და დისტანციის ნორმები. სატრანსპორტო სფეროში მომუშავე არასამთავრობო ორგანიზაციები - საქართველოს ალიანსი უსაფრთხო გზებისთვის, ტრანსპორტისა და გზების ასოციაცია, პარტნიორობა საგზაო უსაფრთხოებისთვის, ჰაბ ჯორჯია, საქართველოს სპორტის საავტომობილო ფედერაცია და ურბანული ლაბორატორია ვთვლით, რომ დროა გასაჯაროვდეს covid-19-ის პირობებში საზოგადოებრივი ტრანსპორტის აღდგენის კონკრეტული თარიღი და მგზავრობის დროს მგზავრთა თუ მძღოლთა მიერ გასათვალისწინებელი წესების გეგმა, რათა მუნიციპალიტეტები, კერძო სატრანსპორტო კომპანიები თუ ცალკეული მძღოლები მოემზადონ და სათანადოდ მოახერხონ ახალ გარემო-პირობებში მუშაობის უსაფრთხოდ გაგრძელება“, - აღნიშნულია განცხადებაში.

ვიქტორ ყიფიანი - მოსკოვს ჰიბრიდულ-რევიზიონისტული საგარეო კურსის შესანარჩუნებლად სჭირდება ჟენევის მსგავსი ფორმატები, ძველი ან ახალი „წითელი ხაზების“ მონიშვნით საკუთარი და სხვისი ძალების მოსინჯვა
ქართული პრესის მიმოხილვა 18.06.2021
ხათუნა ბურკაძე - შეცვლილ საერთაშორისო გარემოში საქართველოს ალიანსში წევრობისათვის აუცილებელია ქვეყნის ახალი ფუნქციის გამოკვეთა
შვეიცარული პრემიუმ ბრენდი HORMETA უკვე ხელმისაწვდომია საქართველოში, ექსკლუზიურად PSP-ში
ვაშლის და საზამთრო-ნესვის არომატი – "სნო" ზაფხულს წყლის ახალი არომატებით იწყებს (R)
მოგზაურობა ძველ თბილისში და კულინარიული სამოთხე გურმანებისთვის - თბილისში უნიკალური სივრცე „ბაზარი“ გაიხსნა
ბინა განვადებით ლარში - „თეთრი კვადრატის“ ექსკლუზიური შეთავაზება უძრავი ქონების ბაზარზე
„ბრითიშ ამერიკან ტობაკო“ - კომპანია მსოფლიოს მასშტაბით აქტიურად არის ჩართული არალეგალური თამბაქოს პროდუქტებთან ბრძოლაში და თანამშრომლობს მრავალი ქვეყნის შესაბამის სტრუქტურებთან
კომპანია "ოთი ისთეითს" ინდონეზიის საელჩოს რწმუნებული ეწვია
"ფილიპ მორის საქართველო" თამბაქოს არალეგალურ ვაჭრობასთან დაკავშირებით პარლამენტში გამართულ დისკუსიას ეხმაურება
საქართველოს უნივერსიტეტის საჩუქარი 2021 წელს ჩარიცხული სტუდენტებისთვის