ლესოთოში კორონავირუსის პირველი შემთხვევა დაფიქსირდა, შედეგად ამ დროისთვის ვირუსი აფრიკის კონტინენტის ყველა ქვეყანაშია დადასტურებული.

„ესოშიეითიდ პრესის“ ინფორმაციით, ვირუსი საუდის არაბეთიდან ჩასულ პირს გამოუვლინდა, რომელიც ქვეყანაში სამხრეთ აფრიკიდან შევიდა. ის საუდის არაბეთის ერთ-ერთ უნივერსიტეტში სწავლობდა.

ცნობისთვის, ლესოთოში „ვირუსის პოტენციური გავრცელების თავიდან აცილების მიზნით“ მკაცრი კარანტინი 29 მარტს გამოცხადდა. 6 მაისს კი შეზღუდვების ნაწილი მოიხსნა.