ბელგიაში მუზეუმები იხსნება, თუმცა გარკვეული პირობების გათვალისწინება აუცილებელი იქნება. ამასთან, ქვეყნის პრემიერ-მინისტრის განცხადებით, ქვეყანაში გაიხსნება დაწყებითი და საშუალო საფეხურის სკოლის მოსწავლეებისთვის სკოლებიც.
”ჩვენ გადავწყვიტეთ, რომ 18 მაისიდან მუზეუმები და კულტურული ობიექტები, როგორიცაა ისტორიული შენობები, გავხსნათ, თუკი ისინი შეძლებენ დანერგონ ონლაინ ან სატელეფონო ბილეთების სისტემა და გადადგამენ აუცილებელ ნაბიჯებს ხალხმრავალი შეკრებების თავიდან ასაცილებლად" , - აღნიშნა პრემიერ-მინისტრმა.
მისივე თქმით, ასევე შესაძლებელია გაიხსნას სილამაზის სალონები, თუმცა მხოლოდ დამცავი საშუალებების გამოყენების ვალდებულებით, რომელიც განკუთვნილი იქნება, როგორც პერსონალისთვის, ასევე მომხმარებლისთვის.
ცნობისთვის, მაღაზიების უმეტესობა ბელგიაში ორშაბათიდან გაიხსნა. რაც შეეხება რესტორნებსა და ბარებს, მათი გახსნის თარიღი უცნობია.