ლუიზა ვინტონი - საქართველოს რეპუტაციისთვის გაცილებით უკეთესი იქნება, რომ პოლიტიკური კრიზისი მოაგვაროს

საქართველოში გაეროს განვითარების პროგრამის ხელმძღვანელის ლუიზა ვინტონის განცხადებით, ქვეყანაში არსებული პოლიტიკური კრიზისის მოგვარებისას აუცილებელია მხარეებმა პატივი სცენ ორ მნიშვნელოვან პრინციპს - კანონის უზენაესობასა და იმას, რომ სამართლებრივი მექანიზმები არ იყოს პოლიტიზირებული. მისივე თქმით, საქართველოს რეპუტაციისთვის უკეთესი იქნება თუ ეს კრიზისი სწრაფად მოგვარდება.

„საქართველო არის საერთაშორისო ყურადღების ცენტრში იმ გამორჩეული პასუხის გამო, რომელიც მან Covid-19-ის კრიზისს გასცა. რაც შეეხება პოლიტიკური კრიზისის მოგვარებას, ორი ძირითადი პრინციპია, რომელსაც უნდა მიჰყვნენ - ერთი არის კანონის უზენაესობა და მეორე ყველანაირად თავიდან უნდა იქნეს აცილებული სამართლებრივი მექანიზმების პოლიტიკური მიზნებისთვის გამოყენება. ამიტომ ყველა მხარე უნდა მიჰყვეს და პატივი სცეს ამ პრინციპებს არსებული კრიზისიდან გამოსავლის ძიების პროცესში. საქართველოს რეპუტაციისთვის გაცილებით უკეთესი იქნება, რომ მოაგვაროს პოლიტიკური კრიზისი და წინ წავიდეს საპარლამენტო არჩევნების ჩატარებისკენ უკვე შეთანხმებული ფორმატით“, - განაცხადა ლუიზა ვინტონმა.

ზაზა ფირალიშვილი - სამწუხაროდ, ჩვენი პოლიტიკური სპექტრი და უბრალო ადამიანები განსხვავებულ სამყაროებში ცხოვრობენ, ვფიქრობ, ეს არის სერიოზული პოლიტიკური, უფრო მეტიც, საზოგადოებრივი კრიზისის ნიშანი
ქართული პრესის მიმოხილვა 14.06.2021
კარლ ჰარცელი - მჯერა, რომ 19 აპრილის შეთანხმებით, სულ მცირე, კრიზისის ეს თავი დაიხურა - საბოლოო ჯამში, ეს ახალი ეპოქის დასაწყისია
ლექსუს თბილისი  ევროპის 300 დილერს შორის საუკეთესო ათეულში მოხვდა და უკვე ზედიზედ მეორედ  მიიღო კლიენტთა გამორჩეული მომსახურებისთვის დაწესებული LEXUS KIWAMI-ის უმნიშვნელოვანესი ჯილდო
PSP და MASTERCARD განსაკუთრებული შეთავაზებით სარგებლობას მომხმარებელი უკვე დღეიდან შეძლებს
მნიშვნელოვანი წვლილი ქართული ეკონომიკის განვითარებაში: „კარფური“ 10 უმსხვილეს ინვესტორს შორის