რომან გოცირიძე კუბილიუსის განცხადებაზე - ძალიან სერიოზული გაფრთხილებაა - დიდი დანაშაული იქნება, თუკი ხელისუფლება, თავისი უგუნურობით ამ უმძიმეს ვითარებაში, ხალხს დახმარებას დაუკარგავს

ძალიან დიდი დანაშაული იქნება, თუკი ხელისუფლება თავისი უგუნურობით ამ უმძიმეს ვითარებაში ხალხს დახმარებას დაუკარგავს , - ამის შესახებ ფრაქცია „ერთიანი ნაციონალური მოძრაობის“ თავმჯდომარე რომან გოცირიძემ ანდრიუს კუბილიუსის წერილის კომენტირებისას განაცხადა.

მისი შეფასებით, ეს ევროპარლამენტარის მხრიდან საქართველოს ხელისუფლების მისამართით ძალიან სერიოზული გაფრთხილებაა, რომლითაც შესაძლოა, ევროკავშირის მიერ ქვეყნისთვის დახმარების გაწევა ეჭვქვეშ დადგეს.

„ეს ძალიან სერიოზული გაფრთხილებაა. ვინაიდან, 500 მილიონიდან, რომელიც ევროკავშირისგან უნდა მივიღოთ, ჯერჯერობით ხელი მოწერილია მხოლოდ ერთ დოკუმენტზე, 73 მილიონი ევროს ოდენობით, რომელიც ჯანდაცვის სისტემის გაძლიერებას ემსახურება. აქ პირდაპირ არის ნათქვამი, რომ თუკი არ შესრულდება ის ვალდებულებები, რომელიც ხელისუფლებამ ოპოზიციისა და საერთაშორისო პარტნიორების წინაშე აიღო, მაშინ, შესაძლებელია, რომ ამ დახმარების გადმოცემა ეჭვქვეშ დადგეს. შევარდნაძის დროს იყო ასეთი ცნება- ტრანში აგვიანებს, ანუ ფულის გადმორიცხვა და ეს ტრანში ხანდახან თვეების განმავლობაში აგვიანებდა სანამ, ცუდად იქცეოდა ხელისუფლება და არ ასრულებდა ერთი მხრივ, სწორ ეკონომიკურ მოთხოვნებს ან მეორე მხრივ, პოლიტიკურ რეპრესიებს ეწეოდა. ასე რომ, ეს ტრანში ყოველთვის სწორ გზაზე დაყენების ერთ-ერთი ფორმა იყო და ძალიან დიდი დანაშაული იქნება, თუკი ხელისუფლება თავისი უგუნურობით ამ უმძიმეს ვითარებაში ხალხს დახმარებას დაუკარგავს“, - განაცხადა გოცირიძემ.

შეგახსენებთ, ევროპარლამენტარმა ანდრიუს კუბილიუსმა განაცხადა, რომ ევროკავშირის მიერ საქართველოს 500 მლნ ევროთი დახმარების საკვანძო კომპონენტი დაკავშირებულია აღებული ვალდებულებების შესრულებასთან, მათ შორის კანონის უზენაესობის კუთხით.

თეა გოგოტიშვილი - სიფრთხილის და გონივრულობის გარდა გადარჩენის გზა არ გვაქვს
ქართული პრესის მიმოხილვა 02.12.2020
ვის ჩაუტარდება კლინიკა „ნიუმედში“ Covid 19-ის სწრაფი ტესტირება, მათ შორის ანტიგენზე დაფუძნებული ტესტით და D-დიმერის კვლევა უფასოდ? - ინტერვიუ კლინიკის დირექტორ ნათია ბულაცაშვილთან
კატარის ავიახაზები 15 დეკემბრიდან მე-5 ახალ მიმართულებას ამატებს სან ფრანცისკოს მიმართულებით და კიდევ უფრო აფართოებს ამერიკის შეერთებული შტატების ქსელს
გრიპის საწინააღმდეგო ვაქცინაცია კომპანია “GM Pharma”-ში
ლივომ უძრავი ქონების ყიდვა-გაყიდვის პროცესის გამარტივებისთვის სერვისების 80% გააციფრულა