დღეს უკვე ერთი თვე შესრულდა, რაც ჩინეთში კორონავირუსისგან არავინ დაღუპულა. იმ პაციენტების რაოდენობა, რომლებიც მკურნალობას გადიან, 91-ს შეადგენს.
ჩინეთის ეროვნული ჯანდაცვის კომისიის ცნობით, ბოლო დღე-ღამის მანძილზე 4 ახალი შემთხვევა გამოვლინდა და მათ შორის იმპორტირებული არც ერთი იყო. ამასთან, ცნობილი გახდა, რომ უხანში მცხოვრებ 3 მილიონ ადამიანს კორონავირუსზე ტესტი ჩაუტარდა, ხოლო ქალაქის დანარჩენ მოსახლეობას, რაც დაახლოებით 8 მილიონს შეადგენს, უახლოეს დღეებში ჩაუტარდება.
ცნობისთვის, კორონავირუსი თავდაპირველად ჩინეთის ქალაქ უხანში, გასული წლის დეკემბერში დაფიქსირდა. საერთო ჯამში ქვეყანაში 82,933 ადამიანი დაინფიცირდა, ხოლო გარდაცვლილთა რაოდენობამ 4633 შეადგინა.