ტაიფუნმა ფილიპინებში სულ მცირე ერთი ადამიანის სიცოცხლე იმსხვერპლა. განადგურებულია ასობით სახლი და თავშესაფარი, რომლებსაც აქამდე საკარანტინო ზონებად იყენებდნენ, დატბორილია ბრინჯისა და ხორბლის მინდვრები.

აღმოსავლეთ პროვინცია სამარის გუბერნატორის თქმით, დაშავებულია რამდენიმე ადამიანი, ამ დროისთვის კი ზარალის დათვლა მიმდინარეობს.

„საოცრად დიდი ზარალია. დაინგრა სახლები, თავშესაფრები, ეკლესიას სახურავი მთლიანად გადაძვრა“,-განაცხადა გუბერნატორმა „ესოშიეთიდ პრესთან“ სატელეფონო საუბრის დროს.

ცნობისთვის, ფილიპინებში მოსალოდნელი ტაიფუნის გამო გუშინ ათიათასობით ადამიანის ევაკუაცია განხორციელდა.