საქართველოს განათლების, მეცნიერების, კულტურისა და სპორტის მინისტრის მიხეილ ჩხენკელის განცხადებით, უმაღლეს სასწავლებლებში ფინალური გამოცდები შეზღუდვების შემსუბუქებით ჩატარდება, როდესაც საგანმანათლებლო აქტივობები განახლდება. რაც შეეხება საბაკალავრო და სამაგისტრო ნაშრომების დაცვას, როგორც ჩხენკელმა მთავრობის ადმინისტრაციაში განათლების სისტემის ანტიკრიზისული გეგმის პრეზენტაციაზე განაცხადა, ეს ინდივიდუალური გრაფიკის შესაბამისად მოხდება.

„ფინალური გამოცდები უმაღლეს სასწავლებლებში ჩატარდება შეზღუდვების შემსუბუქებით, მეექვსე ეტაპზე, როდესაც საგანმანათლებლო აქტივობები განახლდება. რაც შეეხება შუალედურ გამოცდებს, სამინისტროს რეკომენდაციებით უნივერსიტეტებმა მშვენივრად მოახდინეს ამის ადაპტაცია და ეს პრობლემა მოხსნილია. რაც შეეხება სამაგისტრო და საბაკალავრო ნაშრომების დაცვას, ეს მოხდება ინდივიდუალური გრაფიკის მიხედვით სტუდენტისა და ხელმძღვანელის შეთანხმების საფუძველზე და ესეც დარეგულირდება და წარმატებით ჩაივლის ეს ეტაპი“,- განაცხადა ჩხენკელმა.