„ახალი საქართველოს“ წევრი - არაპროფესიონალიზმის "გეგმა" ვიხილეთ, რომელსაც განათლების ხარისხთან, ხელმისაწვდომობასთან კავშირი არ აქვს

„ანტიკრიზისული კი არა საკუთარი სიშტერის, არაპროფესიონალიზმის და გულგრილობის დამადასტურებელი "გეგმა" ვიხილეთ, რომელსაც განათლების ხარისხთან, ხელმისაწვდომობასთან, შედეგებთან კავშირი არ აქვს“, - ასე აფასებს პარტია „ახალი საქართველოს“ განათლების მიმართულების ხელმძღვანელი ნანა ტოხვაძე განათლების ხელმშემწყობ ანტიკრიზისულ გეგმას. ტოხვაძის თქმით, სახელმწიფო არ ზრუნავს 150 000 შიმშილის ზღვარს მიღმა მყოფ მოზარდზე, რომელთაც ინტერნეტისა და კომპიუტერის პრობლემა აქვს.

"დაანონსებიდან 3 კვირის დაგვიანებით, რა გავიგეთ იმ ე.წ. "პრეზენტაციიდან" განათლების ამუშავების და ანტიკრიზისული გეგმის სახელი რომ დაარქვა მატყუარა და თაღლითმა მთავრობამ?! გამოცდების თარიღებს და ჩატარების პირობებს გეტყვით, ოღონდ ჯერ ვმუშაობთ და ცოტა ხანში გვეცოდინებაო. მაღალბიუჯეტიანი ტელე-სკოლა დავნერგეთ და კარგი შეფასება მივიღეთ OECD -სგან, ოღონდ ვინ ერთვება, რამდენ მოსწავლეს მოიცავს და რა სტატისტიკური მონაცემები აქვს სახელმწიფოს არ ვიცით. ნიშნებს და შეფასებებს დავწერთ წლის ბოლოს და გამოსწორების საშუალებასაც მივცემთ მოსწავლეებსო. რა ცოდნა მიიღეს ან თუ მიიღეს საერთოდ, რა მნიშვნელობა აქვსო. დახმარება ვისაც სჭირდება დისტანციურ სწავლებაში- მოსწავლეს, მასწავლებელს, მშობელს, ამ კატეგორიას არ ცნობს მინისტრი. თითქოს არც გვყავს 150 000 შიმშილის ზღვარს მიღმა მოზარდი და გაჯეტ-ლეპტოპებს რომ არ ფლობენ ან ინტერნეტზე წვდომა არ აქვთ, ვითომ არ იცის. სტუდენტებს ჩვენ ვერაფრით დავეხმარებით, უნივერსიტეტებმა ხომ გადაუვადეს გადასახადიო? პროფესიულსაც რაღაცას მოვახერხებთ, გეგმები და ბიუჯეტი გვაქვსო. რა ენაღვლებათ, დივერსიფიკაციაზე კი არ შეიწუხებენ თავს. ეს არის მორიგი შეურაცხყოფა ანტიკრიზისული გეგმის სახელით, რადგან ეს ანტიკრიზისული კი არა საკუთარი სიშტერის, არაპროფესიონალიზმის და გულგრილობის დამადასტურებელი "გეგმა" ვიხილეთ, რომელსაც განათლების ხარისხთან, ხელმისაწვდომობასთან, შედეგებთან კავშირი არ აქვს. ბიძინას და ქუთაისის ტექნოლოგიურის ხსენება რადგან შეძლო ჩხენკელმა, განათლების ანტიკრიზისულ გეგმას რას დაეძებს”, – აცხადებს ნანა ტოხვაძე.

აღნიშნულ კომენტარს „ახალი საქართველოს“ პრესსამსახური ავრცელებს.

ვანო მაჭავარიანი - თუ ხელისუფლება და ოპოზიცია კოალიციური მმართველობის რაღაც ფორმაზე არ შეთანხმდნენ, ეს საქართველოსთვის უკეთესი პერსპექტივის ხელიდან გაშვებული შესაძლებლობა იქნება
ქართული პრესის მიმოხილვა 04.12.2020
„ალეკო ელისაშვილი - მოქალაქეების“ ერთ-ერთი ლიდერი ქეთი თურაზაშვილი - დღევანდელი დისტანციური სწავლება თავის მოტყუებაა
როგორ გავუშვათ ბიუჯეტური ონლაინრეკლამა მარტივად მაღალრეიტინგულ ვებგვერდებზე - ინტერვიუ Adword.ge-ს წარმომადგენელთან
თანამედროვე, მარტივი და უსაფრთხო ახალი ინტერნეტბანკინგი "პროკრედიტ ბანკის" მომხმარებლებისთვის
„ჰიუნდაის“ ელექტრომობილი 10 000-ლარიანი ფასდაკლებით, დამტენითა და 1-წლიანი დაზღვევით - შეთავაზება, რომელიც არ უნდა გამოგრჩეთ
ლიბერთი ბანკი სამომხმარებლო და ბიზნეს სესხებზე აქციას იწყებს
ევროკრედიტში საჩუქრების დროა  აირჩიე ის, რაც გაგიხარდება
"სილქნეტმა" ვირტუალური ოპერატორების სავალდებულო დაშვებასა და ამასთან დაკავშირებულ შესაძლო რისკებთან დაკავშირებით საფუძვლიანი კვლევები ჩაატარა