რომან გოცირიძე - საპარლამენტო რესპუბლიკა ვართ და პრემიერი ყოველდღე უნდა მოდიოდეს პარლამენტში და არა მაშინ, როცა მოეპრიანება

საპარლამენტო რესპუბლიკა ვართ და პრემიერი ყოველდღე უნდა მოდიოდეს პარლამენტში და არა მაშინ, როცა მოეპრიანება, - ამის შესახებ „ინტერპრესნიუსს“ ფრაქცია „ნაციონალური მოძრაობის“ თავმჯდომარე რომან გოცირიძემ პრემიერ-მინისტრის პარლამენტში მისვლასთან დაკავშირებით განუცხადა. გოცირიძის თქმით, პრემიერი პარლამენტის წინაშე წლიური ანგარიშითაც უნდა წარსდგეს და ფრაქციის მიერ ინტერპელაციის წესით დაბარების გამოც უნდა მივიდეს.

„საპარლამენტო რესპუბლიკა ვართ და პრემიერი ყოველდღე უნდა მოდიოდეს პარლამენტში და არა მაშინ, როცა მოეპრიანება. გიორგი გახარია საკანონმდებლო ორგანოში წლიური ანგარიშითაც უნდა წარდგეს და კონკრეტულ კითხვაზეც უნდა გაგვცეს პასუხი. ჩვენი შეკითხვები ეხება სიღარიბის ზრდას და პანდემიის პირობებში, ხელისუფლების უმოქმედობას“, - განაცხადა გოცირიძემ.

შეგახსენებთ, რომ ფრაქცია „ნაციონალურმა მოძრაობამ“ პრემიერ-მინისტრის ინტერპელაციის წესით დაბარების თაობაზე განცხადება პარლამენტში 5 მაისს დაარეგისტრირა. ფრაქციის მიერ პრემიერისთვის დასმული კითხვები შემდეგია:

„რატომ ვერ მოხერხდა ქვეყანაში სიღარიბის შემცირება? რა გავლენა მოახდინა საგანგებო მდგომარეობის პირობებში ხელისუფლების მიერ დაშვებულმა შეცდომებმა მოსახლეობის სოციალური მდგომარეობის გაუარესებაზე და რა ზომებს ღებულობს მთავრობა ამის გამოსასწორებლად? რა მდგომარეობაშია ბავშვთა სიღარიბე ქვეყანაში? რითი აპირებთ პენსიონერების სიღარიბის ზრდის შეჩერებას მზარდი ფასებისა და ლარის გაუფასურების პირობებში?“ - აღნიშნულია დოკუმენტში.

ცნობისთვის, პრემიერ-მინისტრმა გიორგი გახარიამ დღეს განაცხადა, რომ მზად არის პარლამენტში მივიდეს და წარადგინოს ანგარიში, როგორ მართავდა მთავრობა საგანგებო მდგომარეობის პირობებში ქვეყანას.

ეკატერინე ციმაკურიძე - განსაკუთრებული პრობლემაა ხელისუფლების მცდელობები თავი აარიდოს 19 აპრილის შეთანხმების ისე შესრულებას, როგორც ეს თავად ამ შეთანხმებითაა ნაგულისხმევი
ქართული პრესის მიმოხილვა 25.06.2021
სტეპან გრიგორიანი - ფაშინიანმა არჩევნები იმის გამო მოიგო, რომ სომეხმა ხალხმა ყარაბაღის ომში დამარცხება მას არ დაუკავშირა
საპენსიო სააგენტოს დირექტორის მოადგილე ანა კეკელიძე - საპენსიო სააგენტოს ამოცანას წარმოადგენს საერთაშორისო სტანდარტების შესაბამისი მომსახურების დანერგვა
"ლიბერთი ბანკი" სპეციალურ განცხადებას ავრცელებს
აჭარის ავტონომიური რესპუბლიკის ფინანსთა და ეკონომიკის მინისტრი და "ტოიოტა კავკასიის" პრეზიდენტი "ტოიოტა ცენტრ ბათუმს" ესტუმრნენ
Hotsale.ge-ის აქცია - დამატებით 20%-მდე დანაზოგი ტექნიკასა და სასტუმროებზე „კრედო  ბანკის“ განვადებით სარგებლობისას
ქობულეთში შატოს ტიპის ახალი კომპლექსი „შატო კვირიკე“ გაიხსნა
„მაკდონალდსის“ ინვესტიციით საქართველოში პურ-ფუნთუშეულის საწარმო „ბრედფილდი“ იხსნება
ჭარბი წონა მსოფლიოში არა მხოლოდ პრობლემა,  დიდი ხანია, პანდემიაა (R)
"თბილისის ბალნეოლოგიურ კურორტში“ კონფერენცია „კურორტოლოგიის როლი მედიცინაში“ გაიმართა