ირაკლი კობახიძე - პრეზიდენტს არ ვეთანხმებით იმაში, რომ ამ ორი კრიმინალის ციხეში ყოფნას რაიმე ტიპის პრობლემის შექმნა შეეძლო ქვეყნის შიგნით თუ მის გარეთ

ჩვენ პრეზიდენტს არ ვეთანხმებით იმაში, რომ ამ ორი კრიმინალის ციხეში ყოფნას რაიმე ტიპის პრობლემის შექმნა შეეძლო ქვეყნის შიგნით, თუ ქვეყნის გარეთ. ეს არის პრინციპული განსხვავება ჩვენ შორის, - ამის შესახებ „ქართული ოცნების“ აღმასრულებელმა მდივანმა ირაკლი კობახიძემ პარტიის ცენტრალურ ოფისში გამართულ ბრიფინგზე განაცხადა. ამით კობახიძემ უპასუხა ჟურნალისტების მიერ დასმულ შეკითხვას, რამდენად სწორი და პრაგმატულია პრეზიდენტის გადაწვეტილება ირაკლი ოქრუაშვილისა და გიგი უგულას ციხიდან გათავისუფლების შესახებ და განმუხტავს, თუ არა ეს ქვეყანაში ბოლო პერიოდში არსებულ პოლიტიკურ ვითარებას.

როგორც კობახიძემ აღნიშნა, ის ამ საკითხზე სიღრმისეულად საუბარს არ აპირებს.

„მე, აქ სიღრმეში არ შევალ. უკვე დავაფიქსირეთ ჩვენი პოზიცია. შეიძლება პრეზიდენტს ჰქონდა თავისი პრაგმატული მოსაზრებები, თავისი კეთილშობილური გათვლები, თუმცა ჩვენ არ ვეთანხმებით პრეზიდენტს იმაში, რომ რაიმე ტიპის პრობლემის შექმნა შეეძლო ამ ორი კრიმინალის ციხეში ყოფნას, ქვეყნის შიგნით, თუ ქვეყნის გარეთ. ეს არის პრინციპული განსხვავება ჩვენ შორის“, - განაცხადა კობახიძემ.

ცნობისთვის, საქართველოს პრეზიდენტმა სალომე ზურაბიშვილმა "ევროპული საქართველოს" ერთ-ერთი ლიდერის გიგი უგულავას და თავდაცვის ყოფილი მინისტრის ირაკლი ოქრუაშვილის შეწყალების აქტი გამოსცა.

რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ქართული პრესის მიმოხილვა 07.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს