ოთარ კახიძე - მისასალმებელია პრეზიდენტის ნაბიჯი, რომელიც პოლიტიკური დაძაბულობის განმუხტვისკენ არის მიმართული

„ევროპული საქართველოს“ წევრი ოთარ კახიძე პრეზიდენტის მიერ პარტიის ერთ-ერთი ლიდერის გიგი უგულავასა და თავდაცვის ყოფილი მინისტრის ირაკლი ოქრუაშვილის შეწყალებას მიესალმება და აღნიშნავს, რომ ეს ნაბიჯი 8 მარტის შეთანხმების სულისკვეთებას შეესაბამება.

მისი განმარტებით, გიორგი რურუას შემთხვევაში, სხვადასხვა ტიპის გადაწყვეტილების მიღება სასამართლოსა და პროკურატურის პრეროგატივაა.

„გიორგი რურუა წინასწარ პატიმრობაში არის, მას სასჯელი განსაზღვრული არ აქვს. შესაბამისად, გიორგი რურუას შემთხვევაში, სასამართლოსა და პროკურატურის პრეროგატივაა სხვადასხვა ტიპის გადაწყვეტილების მიღება. მისასალმებელია პრეზიდენტის ეს ნაბიჯი, რომელიც ნამდვილად პოლიტიკური დაძაბულობის განმუხტვისკენ არის მიმართული. ის შეესაბამება 8 მარტის შეთანხმების სულისკვეთებას, რაც მთლიანად ქვეყნის ინტერესშია. ეს ძალიან პოზიტიური ნაბიჯია“, - განაცხადა კახიძემ.

კითხვაზე, თუ ხელისუფლება გიორგი რურუას გათავისუფლებისკენ ნაბიჯებს არ გადადგამს, გაგრძელდება თუ არა ოპოზიციის მხრიდან ბოიკოტი, მან უპასუხა, რომ ეს სპეკულაციებია და ხელისუფლების მიერ გადადგმული ამჟამინდელი ნაბიჯები საკმაოდ პოზიტიურია.

„ახლა ამ სპეკულაციებში არ შევალ. განვითარება საკმაოდ პოზიტიურია, ნაბიჯებს ვგულისხმობ დ არა განცხადებებს. შეფასებები შესაძლოა, სხვადასხვაგვარი გვქონდეს ოპოზიციასა და ხელისუფლებას, თუმცა მნიშვნელოვანია კონკრეტული ნაბიჯები. რა ნაბიჯებსაც ამ ეტაპზე ვხედავთ, შეთანხმების შესრულებისკენ არის მიმართული. შესაბამისად, თუკი გიგი უგულავასა და ირაკლი ოქრუაშვილის შეწყალებას მოჰყვება შესაბამისი ნაბიჯები გიორგი რურუას შემთხვევაშიც, ეს პოზიტიური ტენდენცია შენარჩუნდება. 8 მარტის შეთანხმების მეორე, ასევე ძალიან მნიშვნელოვანი ნაწილი გახლავთ კონსტიტუციური ცვლილებების მიღება და „ევროპული საქართველო“ 8 მარტის შეთანხმების პირობებს დაიცავს და ჩვენ ამ ცვლილებებს მხარს დავუჭერთ“,-განაცხადა კახიძემ.

სოსო არჩვაძე - ხელისუფლებას აქვს ერთი მკაფიოდ განსაზღვრული ამოცანა - მშვიდობიანად, რაც შეიძლება მინიმალური დანაკარგებით გაიყვანოს ქართული სახელმწიფოებრიობის ხომალდი სამშვიდობოს
ქართული პრესის მიმოხილვა 30.11.2020
ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
უსაფრთხოებაზე გამავალი ერთობა: მოსაზრებები, შესაძლებლობები, შეთავაზებები
ირმა ინაშვილი - ჩვენ დამოუკიდებლად ვმოქმედებთ და ვაკეთებთ იმას, რასაც სინდისი გვკარნახობს! (R)
სილქფესტი ფასდაკლებების კვირეულს ხუთი ყველაზე მოთხოვნადი შეთავაზებით უერთდება
Wolt-ის ლურჯი პარასკევი დაიწყო