ესპანეთის სანაპირო დაცვამ კანარის კუნძულების მახლობლად, ატლანტის ოკეანეში 49 მიგრანტი გადაარჩინა. სანაპირო დაცვის კუთვნილი გემით, მიგრანტები კანარის კუნძულების ერთ-ერთ პორტში გადაიყვანეს.

ორგანიზაციის „წითელი ჯვარი“ ინფორმაციით, ყველა მიგრანტი მამაკაცია და მათგან 35 სავარაუდოდ, არასრულწლოვანია.

მიუხედავად იმისა, რომ ესპანეთში არარეგულირებადმა მიგრაციამ, წინა წელთან შედარებით, წელს 20%-ით იკლო, კანარის კუნძულებზე ჩამსვლელი მიგრანტების რიცხვი ბოლო პერიოდში მნიშვნელოვნად გაიზარდა.