„თავისუფალი საქართველო“ - მაშინ, როდესაც ეკონომიკური კრიზისის პირობებში ხელისუფლება ქამრების შემოჭერას გვპირდება, უზენაესი სასამართლო თანხების ფლანგვას აგრძელებს

„თავისუფალი საქართველოს“ ერთ-ერთი ლიდერი შოთა მაქაცარია, უზენაესი სასამართლოს მიერ 194 700 ლარის ღირებულების, ლუქს კალასის ავტომობილების პირდაპირი წესით შესყიდვას ეხმაურება და აცხადებს, რომ მსგავსი მოცულობის თანხების დახარჯვა, ძვირადღირებული ავტომობილების შესაძენად, ნებისმიერ შემთხვევაში, მიუღებელია, მით უმეტეს მიმდინარე კრიზისის პერიოდში. მისივე თქმით, მაშინ, როდესაც ეკონომიკური კრიზისის პირობებში ხელისუფლება ქამრების შემოჭერას გვპირდება, უზენაესი სასამართლო თანხების ფლანგვას აგრძელებს.

„იმ ფონზე, როდესაც ქვეყანა იმყოფება ღრმა ეკონომიკური კრიზისის პირობებში და გაჩერებულია ეკონომიკა, ხელისუფლება ქამრების შემოჭერას გვპირდება. თანხების სიმწირის გამო, სახელმწიფო თვითდასაქმებულ მოქალაქეებს, რომლებიც საზოგადოების უმრავლესობას წარმოადგენენ, კრიზისიდან გამოსვლის მიზნით, 300 ლარიან კომპენსაციას ჰპირდება, თუმცა ამავდროულად უზენაესი სასამართლო აგრძელებს თანხების ფლანგვას და 194 700 ლარის ღირებულების ავტომობილების შეძენას ახდენს. კერძოდ, 2019 წლის „მაზდას“ მარკის ლუქს კალასის ავტომობილებს ყიდულობს. „თავისუფალ საქართველოს“ მიგვაჩნია, რომ მსგავსი მოცულობის თანხების დახარჯვა ძვირადღირებული ავტომობილების შესაძენად მიუღებელია ნებისმიერ შემთხვევაში, მითუმეტეს მიმდინარე კრიზისის პერიოდში“, - განაცხადა მაქაცარიამ.

შოთა მაქაცარიას კომენტარს პარტია „თავისუფალი საქართველოს“ პრესსამსახური ავრცელებს.

ზვიად კირტავა - მთავარი მიზანი მაინც არის ინფიცირების ჯაჭვის გაწყვეტა და შემთხვევების შემცირება, ამის მიღწევის გარეშე საწოლების და პერსონალის კიდევ გაზრდაც ვერ აგვაცილებს ჯანდაცვის სისტემის გადატვირთვას
ქართული პრესის მიმოხილვა 04.12.2020
ვანო მაჭავარიანი - თუ ხელისუფლება და ოპოზიცია კოალიციური მმართველობის რაღაც ფორმაზე არ შეთანხმდნენ, ეს საქართველოსთვის უკეთესი პერსპექტივის ხელიდან გაშვებული შესაძლებლობა იქნება
საახალწლო შეთავაზება მრავალფუნქციური კომპლექსისგან "მოედანი"
ზოომარტი ექსკლუზიურად Wolt-ზე
თანამედროვე, მარტივი და უსაფრთხო ახალი ინტერნეტბანკინგი "პროკრედიტ ბანკის" მომხმარებლებისთვის