უკრაინის, ესტონეთის, ლატვიის, ლიეტუვის, პოლონეთისა და საქართველოს საგარეო საქმეთა მინისტრები ერთობლივ განცხადებას ავრცელებენ
2020 წლის 18 მაისს, ყირიმელი თათრების დეპორტაციის 76-ე წლისთავთან დაკავშირებით, უკრაინის, ესტონეთის, ლატვიის, ლიეტუვის, პოლონეთისა და საქართველოს საგარეო საქმეთა მინისტრებმა ერთობლივი განცხადება მიიღეს. ამის შესახებ „ინტერპრესნიუსს“ საგარეო საქმეთა სამინისტროდან აცნობეს.
მათი ინფორმაციით, მინისტრები დეპორტაციის დროს გარდაცვლილი ყირიმელი თათრების ხსოვნას პატივს მიაგებენ.
„კიდევ ერთხელ, გამოხატავენ უკრაინის სუვერენიტეტისა და ტერიტორიულ მთლიანობის მხარდაჭერას, მის საერთაშორისოდ აღიარებულ ფარგლებში და ხაზს უსვამენ, რომ ყირიმის ნახევარკუნძული უკრაინის განუყოფელი ნაწილია,“ - ნათქვამია საგარეო უწყების ინფორმაციაში.
