მსოფლიო პანდემიას უფრო სწრაფად დაძლევს, თუ მას ერთობლივად შეებრძოლება-ამის შესახებ ჯანდაცვის მსოფლიო ორგანიზაციის ონლაინ კონფერეციაზე გერმანიის კანცლერმა, ანგელა მერკელმა განაცხადა. „მსოფლიო ჯანდაცვის ორგანიზაცია არის ლეგიტიმური, გლობალური ორგანიზაცია, სადაც ყველა თემა იყრის თავს. სწორედ ამიტომ, ეს ის შემთხვევაა, რომ ჩვენ უნდა ვიფიქროთ, თუ როგორ შეგვიძლია მისი ფუნქციონირების გაუმჯობესება“,-აღნიშნა მერკელმა.

მისივე თქმით, კორონავირუსის პანდემიას მარტო ვერც ერთი ქვეყანა ვერ გაუმკლავდება. „დარწმუნებულნი ვართ, რომ ჩვენ ამ პანდემიას გადავლახავთ. რაც უფრო მეტად ვითანამშრომლებთ, მიზანს უფრო სწრაფად მივაღწევთ“,-განაცხადა მერკელმა.