ანრი ოხანაშვილი - დაუშვებელი და ცინიკურია ვინმე რურუასა და საკონსტიტუციო ცვლილებებს შორის დასვა ტოლობის ნიშანი

საქართველოს პარლამენტის იურიდიულ საკითხთა კომიტეტის თავმჯდომარის, ანრი ოხანაშვილის განცხადებით, ხელისუფლება საერთაშორისო პარტნიორების მონაწილეობით მიღწეული შეთანხმების პირობებს ასრულებს.

ამასთანავე ოხანაშვილმა აღნიშნა, რომ ოპოზიციური ჯგუფები კორონავირუსული პანდემიის დროს მაქსიმალურად ცდილობს ყურადღების ცენტრი საზოგადოების ჯანმრთელობიდან იმ პოლიტიკურ თამაშზე გადაიტანონ, რასაც თავად ეწევიან.

„ფიქრობ, ჩვენი საზოგადოება დაიღალა ამ თამაშით, რასაც ოპოზიციური ჯგუფები ეწევიან. ჩვენ, სახელისუფლებო გუნდს, საზოგადოებასთან ერთად, გვაქვს გამოწვევა, რომ საბოლოოდ ღირსეულად გავართვათ თავი პანდემიასთან ბრძოლას. ჩვენთვის ნომერ პირველი ამოცანა არის ჩვენი საზოგადოების ინტერესები და მათი ჯანმრთელობისა და სიცოცხლის დაცვა. ორიენტირებულები ვართ, რომ მაქსიმალურად დავიცვათ ჩვენი საზოგადოება, თუმცა ოპოზიციის ეს ჯგუფები ცდილობენ, რომ ყურადღების ცენტრი ჩვენს საზოგადოებაზე ზრუნვიდან სხვა მიმართულებით გადაიტანონ. ოპოზიციური ჯგუფები ცდილობენ, მთავარი აქცენტირება გააკეთონ არა ჩვენი საზოგადოების ჯანმრთელობის დაცვაზე, არამედ ამ პოლიტიკურ თამაშზე, რასაც ისინი ეწევიან. ვინაიდან ჩვენ არაერთხელ განვაცხადეთ, რომ ის შეთანხმება, რომელიც შედგა ჩვენი საერთაშორისო პარტნიორების მხარდაჭერით, სადაც ჩვენ დავდეთ პირობა, რომ შევიტანთ ცვლილებებს საქართველოს კონსტიტუციაში, ამ პირობას ვასრულებთ. ჩვენი მხრიდან მზაობა, რომ ეს ცვლილებები შესრუდეს, არის. გუნდი არის ორიენტირებული იმისკენ, რომ ეს ცვლილებები განხორციელდეს, თუმცა ვხედავთ, რომ გარკვეულ თამაშს აწარმოებს ოპოზიცია და სერიოზულად არ უყურებს ამ საკითხს“, - განაცხადა ანრი ოხანაშავილმა.

ამასთანავე მან აღნიშნა, რომ მიუხედავად იმისა, რომ „ქართული ოცნების“ გუნდს სრულად შესწევს უნარი და აქვს რესურსი, რომ კონსტიტუციური ცვლილებები განახორციელოს, ეს არ აძლევს ოპოზიციურ ჯგუფებს იმის უფლებას, რომ შეთანხმებიდან გავიდნენ და მხარი არ დაუჭირონ ცვლილებებს.

„ყველა მხარე თანაბრადაა ვალდებული, შეასრულოს პირობა, მიიღოს მონაწილეობა კენჭისყრაში და მხარი დაუჭიროს საკონსტიტუციო ცვლილებებს. ყველამ უნდა გავაცნობიეროთ, რომ სამართლებრივი სახელმწიფოს პრინციპი არის ფუნდამენტური და სახელმწიფოს ვერც ერთი დამოუკიდებელი შტოს ფუნქციონირებაში ჩვენ ვერ ჩავერევით. ჩვენ ვრჩებით ამ პრინციპის ერთგული. იმედი მაქვს, ამ თამაშს თავს დაანებებს ოპოზიცია, გადმოვა საქმიან რეჟიმზე, ჩაერთვება საპარლამენტო ცხოვრებაში, გააცნობიერებს პასუხისმგებლობას, რომელიც აიღო ჩვენი პარტნიორების წინაშე და აქვს ვალდებულება, მხარი დაუჭეროს საკონსტიტუციო ცვლილებებს, რათა ყველამ ერთად შევძლოთ მშვიდობიანი, დემოკრატიული, მაღალი სტანდარტით გამართული არჩევნების ჩატარება. ეს არის ჩვენი მიზანი. ჩვენი მხრიდან ამისთვის სრული მზაობაა. არ შეიძლება საზოგადოებას ესაუბრო ერთი კონკრეტული პირის სახელით. დაუშვებელია და საზოგადოების მიმართ ცინიკურია, ვინმე რურუასა და საკონსტიტუციო ცვლილებებს შორის დასვა ტოლობის ნიშანი“, -განაცხადა ანრი ოხანაშვილმა.

ვიქტორ ყიფიანი - მოსკოვს ჰიბრიდულ-რევიზიონისტული საგარეო კურსის შესანარჩუნებლად სჭირდება ჟენევის მსგავსი ფორმატები, ძველი ან ახალი „წითელი ხაზების“ მონიშვნით საკუთარი და სხვისი ძალების მოსინჯვა
ქართული პრესის მიმოხილვა 18.06.2021
ხათუნა ბურკაძე - შეცვლილ საერთაშორისო გარემოში საქართველოს ალიანსში წევრობისათვის აუცილებელია ქვეყნის ახალი ფუნქციის გამოკვეთა
შვეიცარული პრემიუმ ბრენდი HORMETA უკვე ხელმისაწვდომია საქართველოში, ექსკლუზიურად PSP-ში
ვაშლის და საზამთრო-ნესვის არომატი – "სნო" ზაფხულს წყლის ახალი არომატებით იწყებს (R)
მოგზაურობა ძველ თბილისში და კულინარიული სამოთხე გურმანებისთვის - თბილისში უნიკალური სივრცე „ბაზარი“ გაიხსნა
ბინა განვადებით ლარში - „თეთრი კვადრატის“ ექსკლუზიური შეთავაზება უძრავი ქონების ბაზარზე
„ბრითიშ ამერიკან ტობაკო“ - კომპანია მსოფლიოს მასშტაბით აქტიურად არის ჩართული არალეგალური თამბაქოს პროდუქტებთან ბრძოლაში და თანამშრომლობს მრავალი ქვეყნის შესაბამის სტრუქტურებთან
კომპანია "ოთი ისთეითს" ინდონეზიის საელჩოს რწმუნებული ეწვია
"ფილიპ მორის საქართველო" თამბაქოს არალეგალურ ვაჭრობასთან დაკავშირებით პარლამენტში გამართულ დისკუსიას ეხმაურება
საქართველოს უნივერსიტეტის საჩუქარი 2021 წელს ჩარიცხული სტუდენტებისთვის