საფრანგეთი და გერმანია გამოდიან ინიციატივით, შეიქმნას 500 მილიარდი ევროს ოდენობის აღდგენის ფონდი, რომელიც შეძლებს დახმარების შეთავაზებას ევროკავშირის ქვეყნებისა და რეგიონებისთვის, რომლებიც მეტ-ნაკლებად დაზარალდნენ კორონავირუსისგან გამოწვეული კრიზისის შედეგად. ამის შესახებ ერთობლივ პრესკონფერენციაზე გერმანიის კანცლერმა ანგელა მერკელმა და საფრანგეთის პრეზიდენტმა ემანუელ მაკრონმა განაცხადეს.
ერთობლივ განცხადებაში ნათქვამია, რომ ფონდი მხარს დაუჭერს მეტ-ნაკლებად დაზარალებულ ევროკავშირის ქვეყნებსა და რეგიონებს ევროკავშირის ბიუჯეტის სახსრების ხარჯზე ევროპული პრიორიტეტების შესაბამისად.
„ეს ყველაზე ცუდი კრიზისია, რომელსაც შეეჯახა ევროკავშირი თავისი ისტორიის მანძილზე. ასეთი კრიზისი მოითხოვს შესაბამის გადაწყვეტილებებს. ჩვენ უნდა ვიმოქმედოთ, ვიმოქმედოთ ევროპულად. ჩვენ დღეს წარმოვადგენთ მოკლე პასუხს კრიზისზე, გრძელი პასუხების განხილვა მოგვიწევს, რადგან საჭიროა ევროპის შემდგომი განვითარება“ , - განაცხადა მერკელმა.
მისი თქმით, ფონდის მიზანია ევროპის კრიზისიდან ძლიერი, შეკრული და სოლიდარული გამოვიდეს.
ფონდის ასამოქმედებლად აუცილებელია ევროკავშირის წევრი 27-ვე ქვეყნის თანხმობა.